ക്വാലാലംപുര്: എച്ച്.എസ്.പ്രണോയിയും പി.വി.സിന്ധുവും മലേഷ്യ മാസ്റ്റേഴ്സ് ബാഡ്മിന്റണ് ടൂര്ണമെന്റിന്റെ ക്വാര്ട്ടര് ഫൈനലില്.
പുരുഷ സിംഗിള്സില് ലോക ഒന്പതാം നമ്ബര് താരമായ പ്രണോയ് 11-ാം റാങ്കുകാരനായ ചൈനയുടെ ലി ഷിഫെങ്ങിനെ കീഴടക്കി. ആദ്യ ഗെയിം നഷ്ടപ്പെട്ട പ്രണോയ് ശക്തമായി തിരിച്ചുവരികയായിരുന്നു. സ്കോര്: 13-21, 21-16, 21-11. ക്വാര്ട്ടറില് ജൊനാഥന് ക്രിസ്റ്റിയോ കെന്റാ നിഷിമോട്ടോയോ ആയിരിക്കും പ്രണോയ്യുടെ എതിരാളി.
വനിതാ സിംഗിള്സ് പ്രീ ക്വാര്ട്ടറില് സിന്ധു ജപ്പാന്റെ ആയ ഒഹോരിയെ നേരിട്ടുള്ള ഗെയിമുകള്ക്കാണ് തോല്പ്പിച്ചത്. സ്കോര്: 21-16, 21-11. 40 മിനിട്ടുകൊണ്ടാണ് സിന്ധു വിജയം നേടിയത്. ടൂര്ണമെന്റിലെ ആറാം സീഡായ സിന്ധു നിലവില് ലോക റാങ്കിംഗില് 13-ാം സ്ഥാനത്താണ്. ക്വാര്ട്ടറില് ചൈനയുടെ യി മാന് ഷാങ്ങാണ് സിന്ധുവിന്റെ എതിരാളി.