തിരുവനന്തപുരം: മുഖ്യമന്ത്രി പിണറായി വിജയന് ഇന്ന് 78-ാം ജന്മദിനം. പതിവ് പോലെ തന്നെ ആഘോഷങ്ങളിലാതെയാണ് മുഖ്യമന്ത്രി പിറന്നാൾ ദിനം കടന്നു പോകുന്നത്. തിരുവനന്തപുരത്ത് രാവിലെ മന്ത്രിസഭാ യോഗവും പിന്നീട് ചില പൊതുപരിപാടികളും നടക്കും.
1945 മാർച്ച് 21നാണ് ഔദ്യോഗിക രേഖകൾ പ്രകാരം പിണറായി വിജയന്റെ പിറന്നാൾ. എന്നാൽ യഥാർത്ഥ ജന്മദിനം 1945 മെയ് 24 ന് ആണെന്ന് പിണറായി വിജയൻ തന്നെയായിരുന്നു അറിയിച്ചത്. 2016ൽ ഒന്നാം പിണറായി സർക്കാർ സത്യപ്രതിജ്ഞ ചെയ്യുന്നതിന്റെ തലേ ദിവസമായിരുന്നു അദ്ദേഹം തന്റെ യഥാർത്ഥ പിറന്നാൾ ദിനം എന്നാണെന്ന് വ്യക്തമാക്കിയത്.