വാക്സിന് വാര് റിലീസ് തീയതി പ്രഖ്യാപിച്ച് സംവിധായകന് വിവേക് അഗ്നിഹോത്രി. നിങ്ങള് അറിയാത്ത ഒരു യുദ്ധത്തിന്റെ യാഥാര്ത്ഥ കഥയാണ് ഇതെന്നും ശാസ്ത്രവും ധൈര്യവും ഭാരതീയ മൂല്യങ്ങളും കൊണ്ടാണ് ആ വാക്സിന് വാര് വിജയിച്ചതെന്നും അദ്ദേഹം പറഞ്ഞു.
‘ദി വാക്സിന് വാര്’ അവതരിപ്പിക്കുകയാണ്. രാജ്യം നടത്തിയ ഒരു അവിശ്വസനീയമായ യുദ്ധത്തിന്റെ യഥാര്ത്ഥ കഥയാണ് ഇത്. ഈ വര്ഷം സ്വാതന്ത്ര്യ ദിനത്തില് ചിത്രം റിലീസ് ചെയ്യുമെന്നും 11 ഭാഷകളിലായാണ് ചിത്രം പുറത്തിറങ്ങുന്നതെന്നും അദ്ദേഹം ട്വിറ്ററില് കുറിച്ചു.
കൊറോണ വൈറസ് പ്രതിസന്ധിയില് പ്രതിരോധ വാക്സിന് കണ്ടുപിടിച്ച് ലോകം മുഴുവന് മരുന്നെത്തിച്ച് ഇന്ത്യന് വാക്സിന് വിജയത്തിന്റെ കഥയാണ് ദി വാക്സിന് വാര് പറയുന്നത്.