കണ്ണൂര്: കര്ണാടകയിലെ കോണ്ഗ്രസിന്റെ ജയത്തില് പ്രതികരണവുമായി സിപിഎം.
‘ദക്ഷിണേന്ത്യയെ ബിജെപി വിമുക്തമാക്കാനായത് സന്തോഷകരമാണ്. പ്രധാനമന്ത്രി നരേന്ദ്രമോദി ഉള്പ്പെടെ വന്ന് കര്ണാടകയില് ക്യാമ്പ് ചെയ്ത് പ്രചാരണം നടത്തിയിട്ടും ബിജെപിക്ക് കാര്യമുണ്ടായില്ല. വര്ഗ്ഗീയതയോടുളള ശക്തമായ വിയോജിപ്പും, ഭരണവിരുദ്ധ വികാരവും കര്ണാടകയില് പ്രതിഫലിച്ചു. എന്നാല് കര്ണാടകയിലെ കോണ്ഗ്രസ് വിജയത്തെ ദേശീയ തലത്തില് കോണ്ഗ്രസിന്റെ തിരിച്ചുവരവെന്ന് പറയാന് കഴിയില്ല. ലോക്സഭ തിരഞ്ഞെടുപ്പില് ഓരോ സംസ്ഥാനത്തെയും ഓരോ യൂണിറ്റായി കാണണം. ബി ജെ പി വിരുദ്ധ വോട്ടുകള് ഏകോപിപ്പിച്ച് രാജ്യത്ത് നിന്നും ബിജെപിയെ പുറത്താക്കാനാകും’- സിപിഎം സംസ്ഥാന സെക്രട്ടറി എം വി ഗോവിന്ദന് പറഞ്ഞു.