മെയ് മാസം 11 മലയാള ചിത്രങ്ങളാണ് റിലീസിനൊരുങ്ങുന്നത്. കേരളം നേരിട്ട മഹാപ്രളയത്തിന്റെ പശ്ചാത്തലത്തില് ജൂഡ് ആന്റണി ജോസഫ് സംവിധാനം ചെയ്യുന്ന 2018 മേയ് 5ന് തിയേറ്ററില് എത്തും. ടൊവിനോ തോമസ്, കുഞ്ചാക്കോ ബോബന്, ആസിഫ് അലി, വിനീത് ശ്രീനിവാസന്, ഇന്ദ്രന്സ്, ലാല്, നരേന്, അപര്ണ ബാലമുരളി, തന്വി റാം, സുധീഷ്, സിദ്ദിഖ്, രഞ്ജി പണിക്കര്, ജാഫര് ഇടുക്കി എന്നിവരാണ് താരങ്ങള്.
ഗൗതം മേനോന്, ജോണി ആന്റണി, ക്വീനിലൂടെ എത്തിയ അശ്വിന് ജോസ്, ഗൗരി ജി. കിഷന്,ഷീല, ദേവയാനി എന്നിവരെ പ്രധാന കഥാപാത്രങ്ങളാക്കി ഷഹദ് സംവിധാനം ചെയ്യുന്ന അനുരാഗം മേയ് 5ന് റിലീസ് ചെയ്യും. മൂസി, ദുര്ഗ കൃഷ്ണ, സുധീഷ് , മണികണ്ഠന് പട്ടാമ്ബി തുടങ്ങിയവരാണ് മറ്റു താരങ്ങള്. 12ന് അഞ്ചു ചിത്രങ്ങള് റിലീസ് ചെയ്യും. മംമ്ത മോഹന്ദാസ്, സൗബിന് ഷാഹിര്, ഷൈന് ടോം ചാക്കോ, പ്രിയ വാര്യര് എന്നിവരെ കേന്ദ്ര കഥാപാത്രങ്ങളാക്കി വി.കെ.പ്രകാശ് സംവിധാനം ചെയ്യുന്ന ലൈവ്, സൈജു കുറുപ്പ്, നവ്യ നായര് എന്നിവര് പ്രധാനവേഷങ്ങളിലെത്തുന്ന അനീഷ് ഉപാസന രചനയും സംവിധാനവും നിര്വഹിക്കുന്ന ജാനകീ ജാനേ,നവാഗതനായ സുധി മാഡിസന് സംവിധാനം ചെയ്യുന്ന മാത്യു തോമസ്, നസ്ലന് എന്നിവരുടെ ആദ്യ പാന് ഇന്ത്യ ചിത്രം നെയ്മര്, ഇന്ദ്രന്സിനെ നായകനാക്കി വിജേഷ് പി. വിജയന് സംവിധാനം ചെയ്യുന്ന വിത്തിന് സെക്കന്റ്സ് , ശരത് ചന്ദ്രന് വയനാട് സംവിധാനം ചെയ്യുന്ന അഖില് പ്രഭാകര്, ജാഫര് ഇടുക്കി, അബു സലിം എന്നിവര് പ്രധാന വേഷത്തില് എത്തുന്ന ചതി എന്നിവയാണ് ചിത്രങ്ങള്. മുകുന്ദന്, കൃഷ്ണപ്രഭ, കോഴിക്കോട് ജയരാജ്, അഷിത എന്നിവരാണ് ലൈവിലെ മറ്റ് താരങ്ങള്. ജോണി ആന്റണി, ഷറഫുദ്ദീന്, കോട്ടയം നസീര്, പ്രമോദ് വെളിയനാട്, സ്മിനു സിജോ വിഷ്ണു പ്രസാദ്, ജോര്ഡി പൂഞ്ഞാര്, ജയിംസ് ഏല്യ, അഞ്ജലി സത്യനാഥ് തുടങ്ങിയവരാണ് ജാനകീ ജാനേയിലെ മറ്റ് താരങ്ങള്.
19നും അഞ്ച് ചിത്രങ്ങള് റിലീസ് ചെയ്യും. രണ്ട് ചിത്രങ്ങളില് ലുക്മാന് ആണ് നായകന്. ഉര്വശി, ബാലു വര്ഗീസ്, ഗുരു സോമസുന്ദരം എന്നിവരെ പ്രധാന കഥാപാത്രങ്ങളാക്കി നവാഗതനായ സുഭാഷ് ലളിത സുബ്രഹ്മണ്യന് രചനയും സംവിധാനവും നിര്വഹിക്കുന്ന ചാള്സ് എന്റര്പ്രൈസസ്, ലുക് മാന്, ജാഫര് ഇടുക്കി, ഇന്ദ്രന്സ്, ചിന്നു ചാന്ദിനി, , അഭിറാം രാധാകൃഷ്ണന്, ഫറിം സഫര് എന്നിവരെ പ്രധാന കഥാപാത്രങ്ങളാക്കി ഷമല് സുലൈമാന് സംവിധാനം ചെയ്യുന്ന ജാക്സണ് ബസാര് യൂത്ത്, ഗുരു സോമസുന്ദരം, ജിനു ജോസഫ്, ഗോവിന്ദ് പദ്മസൂര്യ, ശ്രുതി രാമചന്ദ്രന്,സ്രിന്ധ എന്നിവരെ പ്രധാന കഥാപാത്രങ്ങളാക്കി രാജേഷ് കെ. രാമന് സംവിധാനം ചെയ്യുന്ന നീരജ, ലുക്മാന്, ശ്രീനാഥ് ഭാസി എന്നിവര് മുഖ്യവേഷത്തില് എത്തുന്ന നവാഗതനായ സി.സി സംവിധാനം ചെയ്യുന്ന കൊറോണ ജവാന് , സിദ്ധര്ത്ഥ് രാജന്, അമൃത സാജു എന്നിവര് പ്രധാന വേഷത്തില് എത്തുന്ന സുനില് കാര്യാട്ടുകര സംവിധാനം ചെയ്യുന്ന പിക്കാസോ എന്നിവയാണ് ചിത്രങ്ങള്.