തിരുവനന്തപുരം: ലാമിനേറ്റഡ് ഡ്രൈവിംഗ് ലൈസന്സ് ഉള്ളവര്ക്ക് 200 രൂപ മുടക്കിയാല് പുത്തന് സമാര്ട്ട് ലൈസന്സ് സ്വന്തമാക്കാം. എന്നാല്, പുതിയ സ്മാര്ട്ട് ലൈസന്സിലേക്ക് മാറുമ്ബോള് പഴയ ലൈസന്സ് തിരികെ ഏല്പ്പിക്കേണ്ടതില്ല.
പരിവാഹന് വെബ്സൈറ്റിലൂടെ ഓണ്ലൈന് മുഖേനയാണ് അപേക്ഷ നല്കേണ്ടത്. പുതിയ ലൈസന്സ് തപാലിലൂടെ ലഭിക്കണമെന്നുള്ളവര് തപാല് ഫീസും അടയ്ക്കേണ്ടതുണ്ട്. ഒരു വര്ഷത്തേക്ക് മാത്രമാണ് ഇളവ് അനുവദിച്ചിരിക്കുന്നത്. ഇതിന് ശേഷം ഡ്യൂപ്ലിക്കേറ്റ് ഡ്രൈവിംഗ് ലൈസന്സിനുള്ള 120 രൂപയും തപാല്ക്കൂലിയും നല്കേണ്ടി വരും.
മെയ് മുതല് വാഹന രജിസ്ട്രേഷന് സര്ട്ടിഫിക്കറ്റുകളും പെറ്റ് ജി കാര്ഡിലേക്ക് മാറും. ഏഴ് സുരക്ഷാ സംവിധാനങ്ങളാണ് ഈ കാര്ഡിലും ഒരുക്കിയിട്ടുള്ളത്. എടിഎം കാര്ഡുകളുടെ മാതൃകയില് പേഴ്സില് സൂക്ഷിക്കാവുന്ന തരത്തിലാണ് പെറ്റ് ജി കാര്ഡുകള്. മെച്ചപ്പെട്ട അച്ചടി സംവിധാനം ഉപയോഗിച്ചിരിക്കുന്നതിനാല് തന്നെ അക്ഷരങ്ങള് മായില്ല. പ്രത്യേക നമ്ബര്, അള്ട്രവയലറ്റ് ലൈറ്റില് തെളിയുന്ന പാറ്റേണ്, നോട്ടുകളിലേതുപോലെ ഗില്ലോച്ചെ ഡിസൈന്, സൈഡുകളില് മൈക്രോ അക്ഷരങ്ങളിലെ ബോര്ഡര് ലൈന്, ഹോളോഗ്രാം, വെളിച്ചം വീഴുന്നതിനനുസരിച്ച് നിറം മാറുന്ന ഇന്ത്യയുടെ ചിത്രം, സ്കാന് ചെയ്താല് ലൈസന്സ് സംബന്ധിച്ച വിവരങ്ങളെല്ലാം ലഭ്യമാകുന്ന ക്യൂആര്കോഡ് എന്നിവ ഇതിലെ പ്രത്യേകതകളാണ്.