ട്വിറ്ററിന്റെ നടത്തിപ്പ് വേദന നിറഞ്ഞതാണെന്ന് ഇലോണ് മസ്ക്. ശരിയായൊരു വ്യക്തിയെ കണ്ടെത്തിയാല് താന് ട്വിറ്റര് വില്ക്കാന് തയ്യാറാണെന്നും മസ്ക് പറഞ്ഞു. ബിബിസിയ്ക്ക് നല്കിയ ഒരു അഭിമുഖത്തിലാണ് മസ്കിന്റെ ഈ പ്രതികരണം.
എന്നാല്, മടുപ്പ് തോന്നുന്നില്ലെന്നും ഇതൊരു ഒരു റോളര്കോസ്റ്ററിനെ പോലെയാണെന്നും ഇതുവരെയുള്ള ട്വിറ്ററിലെ അനുഭവത്തെ കുറിച്ചുള്ള ചോദ്യത്തിന് മസ്ക് പറഞ്ഞു. കഴിഞ്ഞ കുറച്ച് മാസങ്ങളായി സമ്മര്ദ്ദമേറെയാണ്. ജോലിത്തിരക്ക് കാരണം ഓഫീസില് തന്നെ കിടന്നുറങ്ങേണ്ടിവരാറുണ്ട്. ഓഫീസില് ആരും പോവാത്ത ഒരു ലൈബ്രറിയില് ഒരു സോഫയില് തനിക്കായി ഒരു സ്ഥലമുണ്ടെന്നും അദ്ദേഹം പറഞ്ഞു. ശരിയായ കാര്യങ്ങള് ചെയ്യുന്നതിന് വേണ്ടിയാണ് കമ്ബനി വാങ്ങിയതെന്നും അദ്ദേഹം കൂട്ടിച്ചേര്ത്തു.
ബിബിസി യുടെ ട്വിറ്റര് അക്കൗണ്ടില് ‘സര്ക്കാര് പിന്തുണയില് പ്രവര്ത്തിക്കുന്ന മാധ്യമം’ എന്ന് ലേബല് ചെയ്യാനുള്ള ശ്രമം ബിബിസി എതിര്ത്തിരുന്നു. ഇതിന് പിന്നാലെയാണ് മസ്കിന്റെ അഭിമുഖം പുറത്തുവന്നിരിക്കുന്നത്.