പുഷ്പയുടെ സീക്വല് എപ്പോള് എന്ന ആരാധകരുടെ ചോദ്യത്തിന്, കാത്തിരിപ്പ് വെറുതേയാകില്ല എന്ന സൂചന നല്കിക്കൊണ്ടാണ് ഏപ്രില് ഏഴിന് സീക്വലിന്റെ ഗ്ലിംപ്സ് പുറത്തുവിട്ടത്. വീഡിയോ ലോകമെമ്ബാടും കോടിക്കണക്കിന് കാഴ്ച്ചക്കാരെ സ്വന്തമാക്കി കഴിഞ്ഞു.
ഇന്ത്യ, കുവൈറ്റ്, ബെഹറിന്, ഖത്തര്, യുഎഇ, ഓസ്ട്രേലിയ, മാള്ട്ട, സൗദി, യുകെ, പാക്കിസ്താന്, കാനഡ, യുഎസ്, ശ്രീലങ്ക, സിംഗപ്പൂ, ന്യൂസിലന്റ് എന്നിങ്ങനെ 16 രാജ്യങ്ങളില് വീഡിയോ ട്രെന്ഡിങ്ങില് മുന്നിലാണ്. ഇന്ത്യന് സിനിമയില് തന്നെ ആദ്യമായാകാം ഇത്രയും വലിയ ജനപ്രീതി ഒരു ഗ്ലിംപ്സ് വീഡിയോയ്ക്ക് ലഭിക്കുന്നത്.
എഴ് കോടിയിലധികം പ്രേക്ഷകരാണ് വീഡിയോ ഇതുവരെ കണ്ടിരിക്കുന്നത്. 30 ലക്ഷത്തിനടുത്ത് ലൈക്കുകളും വീഡിയോ സ്വന്തമാക്കി കഴിഞ്ഞു. തിരുപ്പതി ജയിലില് നിന്നും വെടിയേറ്റ മുറിവുകളുമായി രക്ഷപ്പെട്ട പുഷ്പയെ കാണാനില്ല എന്ന വാര്ത്തയും നാട്ടില് നടക്കുന്ന കലാപങ്ങളുമൊക്കെയാണ് ചിത്രത്തിന്രെ ഗ്ലിംപ്സ് വീഡിയോയില് കാണിക്കുന്നത്. കൂടാതെ പുഷ്പ 2വിന്റെ പ്രഥമ പോസ്റ്ററും ജനശ്രദ്ധയാകര്ഷിച്ച ഒന്നാണ്. സാരിയും സ്വര്ണ്ണാഭരണങ്ങളും ധരിച്ച് തോളും ചരിച്ച് നില്ക്കുന്ന പുഷ്പരാജിന്റെ വ്യത്യസ്ത ലുക്കായിരുന്നു പോസ്റ്ററില്.