കഴിഞ്ഞ ദിവസമാണ് ‘രോമാഞ്ചം’ ഡിസ്നി പ്ലസ് ഹോട്ട്സ്റ്റാറില് റിലീസ് ചെയ്തത്. എന്നാല്, ചിത്രം ഇറങ്ങിയതിന് പിന്നാലെ പതിപ്പിനെതിരെ വന് പരാതിയാണ് ഉയര്ന്നു കൊണ്ടിരിക്കുന്നത്. ഒടിടിയിലെത്തിയ പതിപ്പില് പാട്ടുകള് ഇല്ലെന്നാണ് പരാതി.
ആദരാഞ്ജലി, ആത്മാവേ പോ, തല തെറിച്ചവര് തുടങ്ങിയ സുഷിന് ശ്യാം സംഗീതം നല്കിയ പാട്ടുകള് ചിത്രത്തിന്റെ ജനപ്രീതിയില് വലിയ പങ്കു വഹിച്ചിരുന്നു. വോക്കല്സ് ഇല്ലാത്ത കരോക്കേ രൂപത്തിലുള്ള പാട്ടുകളാണ് മൊബൈലില് കാണുന്നത്. എന്നാല് ടിവിയിലേക്ക് കണക്ട് ചെയ്യുമ്ബോള് വോക്കല്സോടുകൂടി പാട്ടുകള് ലഭിക്കുന്നുണ്ട്.
ഹിറ്റ് ഗാനങ്ങളാണ് ചിത്രത്തിന്റെ ആത്മാവെന്നും അത് ഇല്ലത്തതിനാല് സിനിമയുടെ ജീവന് നിലച്ചെന്നുമാണ് ആരാധകര് പറയുന്നത്. ടെക്നിക്കല് പ്രശ്നങ്ങള് എത്രയും വേഗം പരിഹരിക്കണമെന്നാവശ്യപ്പെട്ട് നിരവധി പേരാണ് സമൂഹമാദ്ധ്യമങ്ങളില് പരാതി പങ്കുവെച്ചിരിക്കുന്നത്. ഉടന് തന്നെ ഡിസ്നി പ്രശ്നങ്ങള്ക്ക് പരിഹാരം കണ്ടെത്തുമെന്ന പ്രതീക്ഷയിലുമാണ് ആരാധകര്.