ട്വിറ്ററിന്റെ സോഴ്സ് കോഡുകള് ചോര്ന്നതായി റിപ്പോര്ട്ടുകള്. കോഡിന്റെ ഭാഗങ്ങള് ഗിറ്റ്ഹബ് എന്ന ഓണ്ലൈന് സോഫ്റ്റ്വെയര് ഡവലപ്മെന്റ് പ്ലാറ്റ്ഫോമില് കഴിഞ്ഞ കുറച്ചു മാസങ്ങളായി ലഭ്യമായിരുന്നു. എന്നാല് ട്വിറ്റര് പകര്പ്പവകാശ ലംഘന നോട്ടീസ് ഫയല് ചെയ്തതിന് പിന്നാലെ ഇത് നീക്കം ചെയ്തു.
അതേസമയം, സംഭവത്തിന് പിന്നില് മുന് ജീവനക്കാരനാണെന്നാണ് കമ്ബനിയുടെ സംശയം. ഫ്രീ സ്പീച്ച് എന്തൂസിയാസിസ്റ്റ് എന്നാണ് കോഡുകള് ലീക്ക് ചെയ്ത ഉപയോക്താവിന് പേര് നല്കിയിരിക്കുന്നത്. ഉപയോക്താവിന്റെ പേര് വെളിപ്പെടുത്തുവാന് ഗിറ്റ്ഹബ്ബിനോട് ഉത്തരവിടാന് കോടതിയില് ട്വിറ്റര് ആവശ്യം ഉന്നയിച്ചിട്ടുണ്ട്. സോഴ്സ് കോഡ് ചോര്ന്നതായി അടുത്തിടെയാണ് ട്വിറ്റര് എക്സിക്യൂട്ടീവുകളെ അറിയിച്ചതെന്നും റിപ്പോര്ട്ടില് പറയുന്നുണ്ട്.
സോഴ്സ് കോഡുകളിലൂടെ കണ്ടെത്തിയ കേടുപാടുകള് ഹാക്കര്മാര് ഇതിനോടകം ചൂഷണം ചെയ്തോ എന്ന കാര്യത്തില് വ്യക്തതയില്ല. വരുമാനം വര്ദ്ധിപ്പിക്കുന്നതിന് വ്യത്യസ്തമാര്ഗങ്ങള് കണ്ടെത്തിയ കമ്ബനിയ്ക്ക് ഇത് വലിയൊരു തിരിച്ചടിയാണ്.