ന്യൂഡല്ഹി: സിറോ മലബാര് സഭയുടെ ഭൂമിയിടപാടുമായി ബന്ധപ്പെട്ട കേസ് റദ്ദാക്കണമെന്നാവശ്യപ്പെട്ട് കര്ദിനാള് മാര് ജോര്ജ് ആലഞ്ചേരി നല്കിയ ഹര്ജി തള്ളി സുപ്രീംകോടതി ദിനേശ് മഹേശ്വരി, ബേല എം ത്രിവേദി എന്നിവരടങ്ങിയ ബെഞ്ചാണ് വിധി പ്രസ്താവിച്ചത്.
അതേസമയം, സിറോ മലബാര് സഭയുടെ ഭൂമിയിടപാടുമായി ബന്ധപ്പെട്ട കേസില് പരാതിക്കാരന് കാക്കനാട് മജിസ്ട്രേറ്റ് കോടതിയെ സമീപിച്ച് അനുകൂല വിധി സമ്പാദിക്കാന് ശ്രമിച്ചെന്ന് കര്ദിനാള് മാര് ആലഞ്ചേരി സുപ്രീംകോടതിയില് ചൂണ്ടിക്കാട്ടിയിരുന്നു.
അതിനിടെ, കര്ദിനാളിന് എതിരായ ഒരു പരാതി സര്ക്കാര് അന്വേഷണം നടത്തി അവസാനിപ്പിക്കുകയും ചെയ്തിരുന്നു. സര്ക്കാര് ഭൂമിയാണ് വിറ്റത് എന്ന ആരോപണം തെറ്റാണെന്നും, നിയമ വിരുദ്ധമായി ഒന്നും കണ്ടെത്തിയിട്ടില്ലെന്നും കോടതി ആവശ്യപ്പെട്ടാല് ഇനിയും അന്വേഷിക്കാമെന്നും സര്ക്കാരിന് വേണ്ടി ഹാജരായ അഭിഭാഷകര് സുപ്രീം കോടതിയില് അറിയിച്ചിരുന്നു.