ഋഷഭ് ഷെട്ടി ചിത്രം ‘കാന്താര’ ഐക്യരാഷ്ട്ര സഭയിലെ ജനീവയില്‍ മാര്‍ച്ച് 17 ന് പാഥെ ബാലെക്സെര്‍ട്ട് തിയേറ്ററില്‍ പ്രദര്‍ശനത്തിനൊരുങ്ങുന്നു.
അതേസമയം, സംവിധായകനും നടനുമായ ഋഷഭ് ഷെട്ടി ഇപ്പോള്‍ ജനീവയിലാണ്. സെന്റര്‍ ഫോര്‍ ഗ്ലോബല്‍ അഫയേഴ്സ് ആന്‍ഡ് പബ്ലിക് പോലീസിന്റെ സോഷ്യല്‍ മീഡിയ ഹാന്‍ഡില്‍, പരിസ്ഥിതി, കാലാവസ്ഥാ സംരക്ഷണം എന്നിവയെക്കുറിച്ചുള്ള ചര്‍ച്ചകള്‍ പ്രോത്സാഹിപ്പിക്കുന്നതില്‍ ഇന്ത്യന്‍ സിനിമയുടെ പങ്കിനെക്കുറിച്ച് റിഷബ് ഷെട്ടി സംസാരിക്കുമെന്ന് സിജിഎപിപി ഡയറക്ടര്‍ അനിന്ധ്യ സെന്‍ഗുപ്ത പറഞ്ഞു. ഡയറക്ടര്‍ അനിന്ദ്യ സെന്‍ഗുപ്തയുടെയും ഋഷഭ് ഷെട്ടിയുടെയും ചിത്രം പുറത്ത് വന്നിട്ടുണ്ട്.
സ്‌ക്രീനിങ്ങിന് ശേഷം ഋഷഭ് ഷെട്ടി കന്നഡയില്‍ പ്രമുഖരുമായി സംവദിക്കും. പിന്നീട് യുഎന്‍ വിശിഷ്ടാതിഥികള്‍ക്കൊപ്പം ഒരു സ്വകാര്യ അത്താഴത്തില്‍ പങ്കെടുക്കുമെന്നാണ് വിവരം.