ലോസ് ഏഞ്ചല്സ്: 95ാ-ാമത് ഓസ്കര് പുരസ്കാര ചടങ്ങില് മികച്ച ഷോര്ട്ട് ഡോക്യുമെന്ററിക്കുള്ള പുരസ്കാരവുമായി ‘ദി എലിഫന്റ് വിസ്പറേഴ്സ്’. തമിഴ്നാട്ടിലെ മുതുമല ദേശീയ ഉദ്യാനം പശ്ചാത്തലമാക്കിയാണ് ഡോക്യുമെന്ററി ചിത്രീകരിച്ചിരിക്കുന്നത്.
കാര്ത്തികി ഗോണ്സാല്വസ് സംവിധാനം ചെയ്ത ‘ദി എലിഫന്റ് വിസ്പറേഴ്സ്’ മനുഷ്യനും മൃഗങ്ങളുമായുള്ള ആത്മബന്ധത്തിന്റെ കഥയാണ് പറയുന്നത്. തമിഴ്നാട്ടിലെ ഗോത്രവിഭാഗത്തില്പെട്ട ബൊമ്മന് -ബെല്ല ദമ്ബതികളുടെ ജീവിതമാണ് ഈ ഡോക്യുമെന്ററി. കാട്ടില് ഉപേക്ഷിക്കപ്പെട്ട ആനക്കുട്ടികള്ക്കായി ജീവിതം ഉഴിഞ്ഞുവച്ചവരാണ് ബൊമ്മനും ബെല്ലയും. ഇവര് വളര്ത്തുന്ന രഘു, അമ്മു എന്ന് പേരുള്ള രണ്ട് ആനക്കുട്ടികളാണ് കഥയുടെ കേന്ദ്രബിന്ദു. 40 മിനിറ്റാണ് ചിത്രത്തിന്റെ ദൈര്ഘ്യം.
2022 ഡിസംബര് 8ന് നെറ്റ്ഫ്ലിക്സിലൂടെയാണ് ചിത്രം സ്ട്രീമിംഗ് ആരംഭിച്ചത്. 2022 നവംബര് 9ന് യുണൈറ്റഡ് സ്റ്റേറ്റ്സിലെ ഡോക്യുമെന്ററികള്ക്കായുള്ള ചലച്ചിത്രമേളയായ DOC NYC ഫിലിം ഫെസ്റ്റിവലില് ആയിരുന്നു ചിത്രത്തിന്റെ ലോക പ്രീമിയര് പ്രദര്ശനം.