വെസ്റ്റ് ബാങ്ക്: പാലസ്തീനിൽ ആക്രമണം നടത്തി ഇസ്രായേൽ. ആക്രമണത്തിൽ പത്ത് പേർ കൊല്ലപ്പെട്ടു. വെസ്റ്റ് ബാങ്കിലാണ് ഇസ്രായേൽ സൈന്യം ആക്രമണം നടത്തിയത്. നബ്ലൂസ് നഗരത്തിലാണ് ആക്രമണം ഉണ്ടായത്. പരിക്കേറ്റവരിൽ ആറുപേരുടെ നില ഗുരുതരമാണെന്നാണ് വിവരം.
ഇസ്രായേലിനെതിരെ പ്രവർത്തിക്കുന്നവർക്ക് വേണ്ടിയുള്ള തെരച്ചിലാണ് നടന്നതെന്ന് സൈന്യം വ്യക്തമാക്കിയത്. വെടിവയ്പിനെ തുടർന്ന് സൈന്യവും ജനങ്ങളും ഏറ്റുമുട്ടിയിരുന്നു. അതേസമയം, ഇസ്രായേൽ സൈന്യത്തിന് ശക്തമായ തിരിച്ചടി നൽകുമെന്ന് ഹമാസ് സംഘടനയുടെ വക്താവ് അബു ഉബൈദ പറഞ്ഞു. ആക്രമണത്തിന്റെ പശ്ചാത്തലത്തിൽ ഗാസയിൽ നിരീക്ഷണം ശക്തമാക്കിയെന്നും ഹമാസ് അറിയിച്ചു.
ഇസ്രായേൽ വീണ്ടും സംഘർഷത്തിലേക്ക് തള്ളിവിടുകയാണ് പാലസ്തീൻ പ്രസിഡന്റിന്റെ വക്താവ് കുറ്റപ്പെടുത്തി. ജെനിൻ നഗരത്തിൽ കഴിഞ്ഞ ദിവസം ഇസ്രായേൽ ആക്രമണം നടത്തിയിരുന്നു. ഈ വർഷം മാത്രം ഇസ്രായേൽ ആക്രമണത്തിൽ 50 പാലസ്തീൻകാർ കൊല്ലപ്പെട്ടിരുന്നു. പ്രത്യാക്രമണത്തിൽ 11 ഇസ്രായേലുകാരും കൊല്ലപ്പെട്ടിട്ടുണ്ട്.