തിരുവനന്തപുരം: മൊറാഴയിലെ ആയുര്വേദ റിസോര്ട്ടുമായി തനിക്ക് ബന്ധമില്ലെന്ന് വ്യക്തമാക്കി സിപിഎം കേന്ദ്രകമ്മിറ്റിയംഗവും ഇടതുമുന്നണി കണ്വീനറുമായ ഇ.പി ജയരാജന്. തലശ്ശേരിയിലുള്ള കെ പി രമേഷ് കുമാറിന്റെതാണ് റിസോര്ട്ടെന്നും ജയരാജന് പാര്ട്ടിക്ക് വിശദീകരണം നല്കി.
സംസ്ഥാന കമ്മിറ്റിയില് പി. ജയരാജന് ആരോപണം ഉന്നയിച്ച സാഹചര്യത്തിലാണ് വിശദീകരണം. അതേസമയം, പാര്ട്ടിക്കകത്ത് നടന്ന ചര്ച്ചകള് പുറത്ത് പങ്കുവെക്കാനാഗ്രഹിക്കുന്നില്ലെന്ന് പി ജയരാജന് മറുപടി നല്കി.
‘ഇപി ജയരാജന് റിസോര്ട്ട് നടത്തുന്നത് എന്റെ ശ്രദ്ധയില്പെട്ടിട്ടില്ല. ഞാന് ആ സ്ഥലത്ത് പോയിട്ടില്ല. സംസ്ഥാന കമ്മിറ്റി യോഗത്തില് പാര്ട്ടിയിലെ തെറ്റ് തിരുത്തല് രേഖ അംഗീകരിച്ചിരുന്നു. കേരളത്തെ സാമ്പത്തികമായി ഞെരുക്കുന്ന കേന്ദ്രസര്ക്കാരിനെതിരെ പ്രതിഷേധത്തിനും തീരുമാനം എടുത്തിരുന്നു. കണ്ണൂരിലെ ആയുര്വേദ റിസോര്ട്ടിന്റെ പേരിലാണ് സാമ്പത്തിക ആരോപണം ഉന്നയിച്ചിരിക്കുന്നത്. ഇപി ജയരാജന്റെ ഭാര്യ നേരത്തെ ഈ കമ്പനിയുടെ ഡയറക്ടറായിരുന്നു. ഇപിയുടെ മകന് വൈദേഹം എന്ന ഈ റിസോര്ട്ടിന്റെ ഡയറക്ടറാണ്. ഏറ്റവും ആധികാരികതയോടെയാണ് ആക്ഷേപം ഉന്നയിക്കുന്നത്. റിസോര്ട്ട് തുടങ്ങുന്ന സമയത്ത് പ്രശ്നം ചൂണ്ടിക്കാണിച്ചപ്പോള് ഡയറക്ടര് ബോര്ഡില് മാറ്റം വരുത്തി. ഗുരുതരമായ ആരോപണത്തില് അന്വേഷണവും നടപടിയും വേണം’- അദ്ദേഹം ചൂണ്ടിക്കാട്ടി.