കൊച്ചി: മാധ്യമ പ്രവര്ത്തകന് കെ എം ബഷീറിനെ വാഹനം ഇടിച്ചു കൊന്ന കേസില് ശ്രീറാം വെങ്കിട്ടരാമനെതിരായ കൊലക്കുറ്റം ഒഴിവാക്കിയ കീഴ്ക്കോടതി ഉത്തരവിനെതിരെ സര്ക്കാര് ഹൈക്കോടതിയില്. ശ്രീറാം വെങ്കിട്ടരാമനെതിരെ നരഹത്യക്കുറ്റം നിലനില്ക്കുമെന്ന് സര്ക്കാര് ഹൈക്കോടതിയില് വ്യക്തമാക്കി.
ശ്രീറാം മദ്യപിച്ചു വാഹനമോടിച്ചത് തെളിയിക്കാന് പ്രോസിക്യൂഷന് കഴിഞ്ഞില്ലെന്ന് നിരീക്ഷിച്ചായിരുന്നു കോടതി മനപ്പൂര്വമായ നരഹത്യ വകുപ്പ് അടക്കം പത്ത് വര്ഷം വരെ തടവ് ലഭിക്കാവുന്ന ഗുരുതര കുറ്റങ്ങള് ഒഴിവാക്കുകയായിരുന്നു. അലക്ഷ്യമായി വാഹനമോടിച്ചു അപകടമുണ്ടാക്കി എന്ന 304-എ വകുപ്പ് ആയി മാറുകയുമായിരുന്നു. അലക്ഷ്യമായി വാഹനമോടിച്ചതിനുള്ള വകുപ്പ് 279, MACT 184 എന്നീ വകുപ്പുകളില് വിചാരണ നേരിട്ടാല് മതി. കൂടെയുണ്ടായിരുന്ന വഫയ്ക്കെതിരെ വകുപ്പ് 188 അഥവാ പ്രേരണക്കുറ്റം മാത്രം.
അതേസമയം, ശ്രീറാം മദ്യപിച്ചതിനുള്ള തെളിവ് ഹാജരാക്കാന് പ്രോസിക്യുഷന് കഴിഞ്ഞില്ലെന്നും കോടതി ചൂണ്ടിക്കാട്ടി.