തിയേറ്ററുകളില്‍ വന്‍ വിജയവുമായി മുന്നേറുകയാണ് മണിരത്‌നം സംവിധാനം ചെയ്ത ബ്രഹ്മാണ്ഡ ചിത്രം ‘പൊന്നിയിന്‍ സെല്‍വന്‍’. സെപ്റ്റംബര്‍ 30-ന് റിലീസ് ചെയ്ത ചിത്രം 230 കോടിയാണ് ഇതിനോടകം സ്വന്തമാക്കിയത്.
ഇപ്പോഴിതാ, സിനിമയെ അഭിനന്ദിച്ചിരിക്കുകയാണ് സൂപ്പര്‍സ്റ്റാര്‍ രജനികാന്ത്. പൊന്നിയിന്‍ സെല്‍വന്റെ അണിയറ പ്രവര്‍ത്തകര്‍ക്ക് ആവേശം പകരുകയാണ് രജനികാന്തിന്റെ വാക്കുകള്‍. ‘പൊന്നിയിന്‍ സെല്‍വനി’ല്‍ ടൈറ്റില്‍ കഥാപാത്രത്തെ അവതരിപ്പിച്ച ജയം രവിയാണ് ഈ സന്തോഷം പങ്കുവെച്ചിരിക്കുന്നത്.
‘ആ ഒരു മിനിറ്റ് സംഭാഷണം എന്റെ ദിനവും വര്‍ഷവും അവിസ്മണീയമാക്കി. എന്റെ കരിയറിന് ഒരു പുതിയ അര്‍ത്ഥം നല്‍കി. താങ്കളുടെ നല്ല വാക്കുകള്‍ക്കും കുട്ടികളെപ്പോലെയുള്ള ഉത്സാഹത്തിനും തലൈവര്‍ക്ക് നന്ദി. സിനിമയും എന്റെ പ്രകടനവും ഇഷ്ടപ്പെട്ടു എന്നറിഞ്ഞതില്‍ ഞാന്‍ സന്തോഷിക്കുന്നു. താങ്കളുടെ വാക്കുകള്‍ക്ക് മുന്നില്‍ ഞാന്‍ വിനീതനും അനുഗ്രഹീതനുമാണ്’ എന്നാണ് ജയം രവി ട്വിറ്ററില്‍ കുറിച്ചത്.