കൊച്ചി: ദുൽഖർ സൽമാനെതിരെ പ്രതിഷേധവുമായി തിയേറ്റർ ഉടമകളുടെ സംഘടനയായ ഫിയോക്ക്. ദുൽഖറിന്റെ സിനിമകളുമായി സഹകരിക്കില്ലെന്ന് ഫിയോക്ക് അറിയിച്ചു. ദുൽഖർ സൽമാൻ നിർമിച്ച ‘സല്യൂട്ട്’ ഒടിടി റിലീസ് ചെയ്യാനുള്ള തീരുമാനത്തെ തുടർന്നാണ് ഫിയോക്കിന്റെ തീരുമാനം.
ദുൽഖർ നന്ദികേട് കാണിച്ചുവെന്നാണ് ഫിയോക്ക് പ്രസിഡന്റ് വിജയകുമാർ പറയുന്നത്. തിയേറ്റർ റിലീസ് വാഗ്ദാനം ചെയ്ത് ദുൽഖർ വഞ്ചിച്ചെന്നും ഫിയോക്ക് ആരോപിക്കുന്നു. നിലവിൽ സ്വീകരിച്ചിട്ടുള്ള തീരുമാനം മാർച്ച് 31 ന് ചേരുന്ന സംഘടനാ ജനറൽ ബോഡിയിൽ അവതരിപ്പിക്കും. പിന്നീട് നിലവിലെ തീരുമാനം മുഴുവൻ അംഗങ്ങളേയും അറിയിക്കാനും ഫിയോക്ക് തീരുമാനിച്ചു.
ഇത്തരത്തിലുള്ള തീരുമാനങ്ങളെടുക്കുന്ന മറ്റ് താരങ്ങൾക്കുള്ള താക്കീത് എന്ന നിലയിലാണ് ദുൽഖറിനെതിരെ നടപടി സ്വീകരിക്കുന്നത്.