ന്യൂഡല്ഹി: താന് നേരിടേണ്ടി വന്ന അതിക്രമത്തെക്കുറിച്ചും അതിനു ശേഷം നേരിടേണ്ടി വന്ന അപവാദ പ്രചരണങ്ങളെക്കുറിച്ചും തുറന്നു പറഞ്ഞ് അതിജീവിത . ഇരയില് നിന്ന് അതിജീവിതയിലേക്കുള്ള യാത്ര അത്ര എളുപ്പമായിരുന്നില്ലെന്ന് വനിതാ ദിനവുമായി ബന്ധപ്പെട്ട് ‘വി ദ വിമെന് ഓഫ് ഏഷ്യ’ കൂട്ടായ്മയോടൊപ്പം ചേര്ന്ന് നടത്തുന്ന ‘ഗ്ലോബല് ടൗണ് ഹാള്’ പരിപാടിയില് പങ്കെടുത്തുകൊണ്ട് നടി പറഞ്ഞു. മുതിര്ന്ന മാധ്യമ പ്രവര്ത്തക ബര്ഖ ദത്തിന്റെ ചോദ്യങ്ങള്ക്കാണ് നടി മറുപടി പറഞ്ഞത്.
അതിജീവിതയുടെ വാക്കുകള്
കോടതിയുടെ പരിഗണനയില് ആയതിനാല് കേസിന്റെ വിശദാംശം പറയുന്നില്ല. കോടതിയില് 15 ദിവസം പോയി. അഞ്ച് വര്ഷത്തെ യാത്ര ബുദ്ധിമുട്ട് ഏറിയതായിരുന്നു. ഇരയില് നിന്ന് അതിജീവിതയിലേക്കായിരുന്നു ആ യാത്ര. സമൂഹ മാധ്യമങ്ങളില് എനിക്കെതിരെ ഉണ്ടായ നെഗറ്റീവ് പ്രചരണം വേദനിപ്പിച്ചു. ചിലര് മുറിവേല്പ്പിക്കുകയും അപവാദ പ്രചരണം നടത്തുകയും ചെയ്തു.
ഞാന് നുണ പറയുകയാണെന്നും ഇത് കള്ളക്കേസ് ആണെന്നുമൊക്കെ പ്രചരണം നടന്നു. ചിലര് കുറ്റപ്പെടുത്തി. വ്യക്തിപരമായ തകര്ന്നുപോയ സന്ദര്ഭങ്ങള് ഉണ്ടായിട്ടുണ്ട്. എനിക്ക് ഇത് മതിയായി എന്ന് ഒരു ഘട്ടത്തില് സുഹൃത്തുക്കളോട് പറഞ്ഞു. തീര്ച്ഛയായും കുറേ വ്യക്തികള് എന്നെ പിന്തുണച്ചു. ഡബ്ല്യുസിസി ധൈര്യം നല്കി. എനിക്കൊപ്പം നിന്നവര്ക്ക് നന്ദി. ഞാന് പോരാടും. ചെയ്തത് ശരിയെന്ന് തെളിയിക്കും. എനിക്ക് എന്റെ മാന്യത തിരിച്ചു കിട്ടണം. വ്യക്തിപരമായി ഇപ്പോഴും ഭയത്തിലാണ്. പക്ഷേ അത് എന്തിനെന്ന് കൃത്യമായ ഉത്തരമില്ല. തൊഴില് നിഷേധിക്കപ്പെട്ട സാഹചര്യം ഉണ്ടായി. എന്നാല് കുറച്ചുപേര് അവസരങ്ങള് വാഗ്ദാനം ചെയ്തു. എന്നാല് അത് വേണ്ടെന്നു വച്ചു.
സമൂഹ മാധ്യമങ്ങളിലൂടെയുള്ള തെറ്റായ പ്രചരണങ്ങള് വളരെയധികം വേദനിപ്പിച്ചു. ഇന്സ്റ്റഗ്രാം വഴി പലരും ചോദിച്ചത് എന്തുകൊണ്ട് ആത്മഹത്യ ചെയ്തില്ല എന്നൊക്കെയാണ്. അതോടൊപ്പം തന്നെ നിരവധി പേര് പിന്തുണയറിക്കുകയും ചെയ്തിരുന്നു. ഞാന് ഉണ്ടാക്കിയ നാടകമാണ് ഇതെന്ന് പലരും പറഞ്ഞു. എന്റെ കുടുംബത്തെയടക്കം അപകീര്ത്തിപ്പെടുത്താന് പലരും ശ്രമിച്ചു. കള്ളക്കേസ് എന്ന് വരെ അപവാദപ്രചാരണമുണ്ടായി. ചിലര് ഇത്തരത്തിലൊക്കെ കുറ്റപ്പെടുത്തിയപ്പോള് വല്ലാതെ തകര്ന്നു പോയി. നിരവധി പേര് എനിക്ക് പിന്തുണയറിയിച്ചിരുന്നു. എന്നോടൊപ്പം നിന്നവര്ക്ക് നന്ദി അറിയിക്കുകയാണ്. കേസില് വിജയം കാണുന്നത് വരെ പോരാട്ടം തുടരും. ആത്മാഭിനത്തിനായുള്ള പോരാട്ടമാണ് അത് തുടരുക തന്നെ ചെയ്യും. ഈ അഞ്ച് വര്ഷത്തോളമുള്ള യാത്ര ഏറെ ബുദ്ധിമുട്ടേറിയതായിരുന്നു. ഇപ്പോഴും എനിക്ക് പേടിയുണ്ട്. നീതിക്ക് വേണ്ടി പോരാടുന്നത് അത്ര എളുപ്പമുള്ള കാര്യമല്ല. ഡബ്ള്യൂ.സി.സി ഒരുപാട് ധൈര്യം തന്നു. അതോടൊപ്പം തന്നെ പലരും സിനിമകളില് അവസരം നിഷേധിക്കുകയും ചെയ്തു.
പലരും എനിക്ക് മലയാള സിനിമയില് അവസരം നിഷേധിച്ചിട്ടുണ്ട്. എന്നാല് മലയാളത്തില് തന്നെ എന്റെ പല സുഹൃത്തുക്കളും സിനിമയില് അവസരം തരികയും ചെയ്തിട്ടുണ്ട്. പൃഥ്വിരാജ്, ജയസൂര്യ, ഷാജി കൈലാസ്, ആഷിഖ് അബു അങ്ങനെ ഒരുപാട് പേര് എനിക്ക് അവസരം തരാമെന്ന് പറഞ്ഞ് എന്നെ സമീപിച്ചിരുന്നു. പക്ഷെ ആ സിനിമകള് എനിക്ക് തിരസ്കരിക്കേണ്ടി വന്നു. അതേ ഇന്ഡസ്ട്രിയിലേക്ക് തിരിച്ചു വന്ന ഒന്നും സംഭവിക്കാത്തു പോലെ ജോലി ചെയ്യാന് എനിക്ക് വളരെ ഭയമായിരുന്നു. എന്റെ മനസ്സമാധാനത്തിനായാണ് അഞ്ച് വര്ഷം മലയാള സിനിമയില് നിന്ന് മാറി നിന്നത്. പകരം മറ്റ് ഭാഷകളില് അഭിനയിച്ചു. പക്ഷെ ഇപ്പോള് ഞാന് ചില മലയാളം സിനിമകളുടെ കഥ കേള്ക്കുന്നുണ്ട്. ഞാന് തെറ്റുകാരിയല്ലെന്ന് തെളിയിക്കണം, ഞാന് മലയാളം ഒഴികെയുള്ള മറ്റ് ഭാഷകളില് അഭിനയിക്കുന്നുണ്ട്. ഇപ്പോള് ഞാന് ചില മലയാളം സിനിമകളുടെ തിരക്കഥകള് കേള്ക്കാന് തുടങ്ങിയിട്ടുണ്ട്. വിജയം കാണുന്നതുവരെ കേസുമായി മുന്നോട്ട് പോകും. തന്റെ കുടുംബത്തിന്റേയും ജനങ്ങളുടേയും പിന്തുണ എനിക്കുണ്ട്.
വിജയം കാണുന്നതു വരെ കേസുമായി മുന്നോട്ട് പോകും. എന്റെ കുടുംബത്തിന്റെ എല്ലാവിധ പിന്തുണയും എനിക്കുണ്ട്. എന്റെ ഭര്ത്താവിന്റേതായാലും സുഹൃത്തുക്കളുടേതായാലും അങ്ങനെ എന്നെ സ്നേഹിക്കുന്ന ഒരുപാട് പേരുടെ പിന്തുണ എനിക്കുണ്ട്. ട്രാവല് ചെയ്യുന്ന സമയത്തൊക്കെ ആളുകള് എന്നെ കെട്ടിപിടിക്കുകയും പിന്തുണയറിയിക്കുകയുമൊക്കെ ചെയ്യുന്നുണ്ട്. എനിക്ക് നീതി കിട്ടാന് അവര് പ്രാര്ത്ഥിക്കുന്നുണ്ട്.