തിരുവനന്തപുരം: 85 ലക്ഷം രൂപ വില മതിക്കുന്ന പുതിയ ബെന്സ് കാര് വാങ്ങാനുള്ള ഗവര്ണര് ആരിഫ് മുഹമ്മദ് ഖാന്റെ നിര്ദേശം സര്ക്കാരിന്റെ പരിഗണനയില്. വിവിഐപി പ്രോട്ടോക്കോള് സംബന്ധിച്ച് ഒരുലക്ഷം കിലോമീറ്റര് കഴിഞ്ഞാല് വാഹനം മാറ്റണം. നിലവിലെ വാഹനം ഒന്നരലക്ഷം കിലോമീറ്റര് ഓടിയെന്നത് ചൂണ്ടിക്കാട്ടി ഗവര്ണര് സര്ക്കാരിന് നേരത്തെ കത്തു നല്കിയിരുന്നു.
സംസ്ഥാനത്തെ ലോകായുക്ത നിയമഭേദഗതി ഓര്ഡിനന്സ് ഒപ്പിടുന്നതുമായി ബന്ധപ്പെട്ട് ഗവര്ണറും സര്ക്കാരും തമ്മില് നിലനിന്ന അഭിപ്രായഭിന്നത ഏറെ വിവാദമായിരുന്നു. ഗവര്ണറുടെ പഴ്സണല് സ്റ്റാഫിലെ നിയമനത്തിനെതിരേ കത്തു നല്കിയ പൊതുഭരണവകുപ്പ് സെക്രട്ടറി കെ.ആര് ജ്യോതിലാലിനെ തല്സ്ഥാനത്തുനിന്ന് നീക്കിയാണ് ഒടുവില് സര്ക്കാര് ഗവര്ണറെ അനുനയിപ്പിച്ചത്.