തിരുവനന്തപുരം: സംസ്ഥാന ബജറ്റ് സമ്മേളനത്തോടനുബന്ധിച്ചുള്ള ഗവര്ണര് ആരിഫ് മുഹമ്മദ് ഖാന്റെ നയപ്രഖ്യാപന പ്രസംഗം ബഹിഷ്കരിച്ച് പ്രതിപക്ഷം.
‘സര്ക്കാര് ചെയ്യുന്ന എല്ലാ നിയമവിരുദ്ധ പ്രവര്ത്തനങ്ങള്ക്കും ഗവര്ണര് കൂട്ടുനില്ക്കുകയും ഒത്താശ ചെയ്യുകയുമാണ്. കണ്ണൂര് സര്വകലാശാലയിലെ വൈസ് ചാന്സലറുടെ നിയമനത്തിന് ഗവര്ണര് കൂട്ടുനിന്നു. കേരളത്തില് അഴിമതിക്ക് കളമൊരുക്കുന്ന ലോകായുക്ത ഓര്ഡിനന്സ് ഗവര്ണര് അംഗീകരിച്ചു. ഭേദഗതി രാഷ്ട്രപതിയുടെ അംഗീകാരത്തിന് അയക്കണമെന്ന് ഗവര്ണറോട് ആവശ്യപ്പെട്ടെങ്കിലും സര്ക്കാരുമായി ഗൂഢാലോചന നടത്തി ഓര്ഡിനന്സില് ഒപ്പുവെക്കുകയാണ് ഗവര്ണര് ചെയ്തത്. സംഘപരിവാറിന്റെ താല്പര്യങ്ങളാണ് ഗവര്ണര് സംരക്ഷിക്കുന്നത്. രാജ്ഭവനില് ആദ്യമായി ബിജെപിയുടെ സംസ്ഥാന നേതാവിനെ നിയമിക്കാന് ഗവര്ണര് ആവശ്യപ്പെടുകയും സര്ക്കാര് അത് അംഗീകരിക്കുകയും ചെയ്തു. സര്ക്കാരും ഗവര്ണറും തമ്മിലുള്ള കൊടുക്കല് വാങ്ങലാണ് കേരളത്തില് നടക്കുന്നത്’- പ്രതിപക്ഷ നേതാവ് വി.ഡി സതീശന് ആരോപിച്ചു.