തിരുവനന്തപുരം: സംസ്ഥാനത്തെ സര്ക്കാര്/സര്ക്കാര് എയ്ഡഡ് സ്ഥാപനങ്ങളില് ബിരുദം, ബിരുദാനന്തര ബിരുദം, പ്രൊഫഷണല് കോഴ്സുകളില് പഠിക്കുന്ന വിദ്യാര്ത്ഥിനികള്ക്ക്സി .എച്ച്.മുഹമ്മദ് കോയ സ്കോളര്ഷിപ്പ്/ഹോസ്റ്റല് സ്റ്റൈപന്റ് (റിന്യൂവല്) പുതുക്കുന്നതിന് ന്യൂനപക്ഷക്ഷേമ വകുപ്പ് അപേക്ഷ ക്ഷണിച്ചു. 2020-21 അധ്യയന വര്ഷം സ്കോളര്ഷിപ്പ് ലഭിച്ചവര്ക്കാണ് പുതുക്കലിന് അവസരം.
ബിരുദ വിദ്യാര്ത്ഥിനികള്ക്ക് 5,000 രൂപ വീതവും, ബിരുദാനന്തര ബിരുദത്തിന് പഠിക്കുന്ന വിദ്യാര്ത്ഥിനികള്ക്ക് 6,000 രൂപ വീതവും, പ്രൊഫഷണല് കോഴ്സിന് പഠിക്കുന്ന വിദ്യാര്ത്ഥിനികള്ക്ക് 7,000 രൂപ വീതവും ഹോസ്റ്റല് സ്റ്റൈപന്റ് ഇനത്തില് 13,000 രൂപ വീതവുമാണ് പ്രതിവര്ഷം സ്കോളര്ഷിപ്പ് നല്കുന്നത്. www.minoritywelfare.kerala.gov മുഖേന ഓണ്ലൈനായി അപേക്ഷിക്കണം. അപേക്ഷ 20 നകം നല്കണം. കൂടുതല് വിവരങ്ങള്ക്ക്: 0471 2300524.
സംസ്ഥാനത്തിന് പുറത്ത് പഠിക്കുന്ന ഒ.ബി.സി വിഭാഗങ്ങള്ക്കുള്ള് സ്കോളര്ഷിപ്പ്
സംസ്ഥാനത്തിന് പുറത്തെ ദേശീയ പ്രാധാന്യമുള്ള വിദ്യാഭ്യാസ സ്ഥാപനങ്ങളിലോ, അഖിലേന്ത്യാ അടിസ്ഥാനത്തില് നടത്തുന്ന തിരഞ്ഞെടുപ്പ് രീതി പ്രകാരം ഐ.ഐ.ടി, ഐ.ഐ.എം, ഇന്ത്യന് ഇന്സ്റ്റിറ്റ്യൂട്ട് ഓഫ് സയന്സ് തുടങ്ങിയ ഉന്നത വിദ്യാഭ്യാസ സ്ഥാപനങ്ങളിലോ മെറിറ്റ്/ റിസര്വേഷന് പ്രകാരം പ്രവേശനം ലഭിച്ച് ബിരുദ, ബിരുദാനന്തര ബിരുദ കോഴ്സുകള്ക്ക് പഠിക്കുന്ന ഒ.ബി.സി വിഭാഗം വിദ്യാര്ഥികള്ക്ക് പിന്നാക്ക വിഭാഗ വികസന വകുപ്പിന്റെ പോസ്റ്റ്മെട്രിക് സ്കോളര്ഷിപ്പിന് അപേക്ഷിക്കാം.
കുടുംബ വാര്ഷിക വരുമാനം രണ്ടര ലക്ഷം രൂപയില് അധികമാകരുത്. www.egrantz.kerala.gov.in മുഖേന ഓണ്ലൈനായാണ് അപേക്ഷിക്കേണ്ടത്. വിശദാംശങ്ങള് അടങ്ങിയ വിജ്ഞാപനം www.bcdd.kerala.gov.in ല് ലഭിക്കും. അവസാന തീയതി ഡിസംബര് 10. കൂടുതല് വിവരങ്ങള്ക്ക് പിന്നാക്ക വിഭാഗ വികസന വകുപ്പിന്റെ മേഖലാ ഓഫീസുകളില് ബന്ധപ്പെടുക. കൊല്ലം മേഖലാ ഓഫീസ്: 0474-2914417, എറണാകുളം മേഖലാ ഓഫീസ്: 0484-2429130, കോഴിക്കോട് മേഖലാ ഓഫീസ്: 0495-2377786.