വാട്സ്ആപ്പിലെ ഒരു പ്രധാന ഫീച്ചര് ആണ് സന്ദേശങ്ങള് സേവ് ചെയ്യാനുള്ള ഓപ്ഷന്. എന്നാല്, ആര്ക്കൈവ് ചാറ്റ് ഓപ്ഷനാണെന്ന് ചിന്തിക്കേണ്ട. സന്ദേശങ്ങള് പ്രത്യേകം സേവ് ചെയ്യാന് മറ്റൊരു ഫീച്ചര് വാട്സ്ആപ്പില് ലഭ്യമാണ്.
ആദ്യം വാട്സ്ആപ്പ് ചാറ്റ് തുറക്കുക. ചാറ്റിലെ ഏത് മെസേജ് ആണോ സേവ് ചെയ്യേണ്ടത്, അതില് ലോങ് പ്രസ് ചെയ്യുക. ഇങ്ങനെ ദീര്ഘനേരം അമര്ത്തിപ്പിടിച്ചാല് സ്ക്രീനിന്റെ മുകളിലായി ഒരു നക്ഷത്ര ചിഹ്നം കാണാന് കഴിയും. ഈ സ്റ്റാര് ചിഹ്നത്തില് ടാപ്പ് ചെയ്യുക. ശേഷം നിങ്ങള്ക്ക് സേവ് ചെയ്യേണ്ട സന്ദേശത്തിലും ഒരു സ്റ്റാര് ചിഹ്നം പ്രത്യക്ഷപ്പെടും. നിങ്ങളുടെ മെസേജ് സ്റ്റാര്ഡ് അല്ലെങ്കില് സേവ് ആയി എന്നാണ് ഇതിന് അര്ത്ഥം.
എന്നാല്, ഒരു ചാറ്റ് മുഴുവന് സേവ് ചെയ്യുന്നത് എങ്ങനെ?
ആദ്യം ആരുടെ ചാറ്റ് ആണോ ഇമെയില് ചെയ്യേണ്ടത്, ആ വ്യക്തിയുടെ ചാറ്റ് തുറക്കുക.
മുകളില് വലത് കോണില് കാണുന്ന മൂന്ന് ഡോട്ടുകളില് ടാപ്പ് ചെയ്യുക.
ശേഷം എക്സ്പോര്ട്ട് ചാറ്റിലേക്ക് പോകുക.
ചാറ്റുകള് ഇമെയില്, ബ്ലൂടൂത്ത്, മറ്റ് വിവിധ ആപ്പുകള് എന്നിവ വഴി ചാറ്റുകള് എക്സ്പോര്ട്ട് ചെയ്യാനാകും.
ഇതില് നിന്നും ഇമെയില് ഓപ്ഷന് തിരഞ്ഞെടുക്കുക.
ശേഷം എക്സ്പോര്ട്ട് ഓപ്ഷനില് ടാപ്പ് ചെയ്യുക.
ഇമെയില് അഡ്രസ് നല്കി മെയില് സെന്ഡ് ചെയ്യുക.
ഇതോടെ ആ ചാറ്റും ചാറ്റ് ഹിസ്റ്ററിയും നല്കിയ മെയില് ഐഡിയില് ലഭ്യമാകും.
അങ്ങനെ ചാറ്റ് മുഴുവനായും സേവ് ചെയ്യാനാകും.