മുംബൈ: ട്വന്റി-20 ലോകകപ്പിനു ശേഷം ഇന്ത്യന് നായക പദവി വിരാട് കോഹ്ലി ഒഴിയുന്നതോടെ ക്യാപ്റ്റനാവാന് രോഹിത് ശര്മ്മ. നിലവില് ടീമിന്റെ വൈസ് ക്യാപ്റ്റനാണ് രോഹിത്ത്.
ഐപിഎല്ലില് ഏറ്റവും വിജയശതമാനമുള്ള ക്യാപ്റ്റനാണ് രോഹിത് ശര്മ. മുംബൈ ഇന്ത്യന്സിനു വേണ്ടിയുള്ള താരത്തിന്റെ ക്യാപ്റ്റന്സി ഏറെ റെക്കോഡുള്ളതാണ്. അഞ്ച് കിരീടങ്ങളാണ് രോഹിത്ത് മുംബൈക്കായി നേടിയിട്ടുള്ളത്. മുംബൈ ഇന്ത്യന്സിനെ വര്ഷങ്ങളായി നയിക്കുന്ന രോഹിത്തിന് ഇന്ത്യന് ടീമിനെയും നല്ല രീതിയില് നയിക്കാന് സാധിക്കുമെന്നാണ് വിലയിരുത്തല്.
നിലവില് ഇന്ത്യയെ 19 ട്വന്റി-20 മല്സരങ്ങളില് രോഹിത്ത് നയിച്ചിട്ടുണ്ട്. ഇതില് 15ലും വിജയിക്കാന് ക്യാപ്റ്റനായിട്ടുണ്ട്. വൈസ് ക്യാപ്റ്റന് സ്ഥാനത്തേക്ക് കെ എല് രാഹുല്, ഋഷഭ് പന്ത്, ശ്രേയസ് അയ്യര്, പൃഥ്വി ഷാ എന്നിവരുടെ പേരുകളാണ് പരിഗണനയിലുള്ളത്.