തിരുവനന്തപുരം: സംസ്ഥാനത്ത് പൊലീസ് ക്ലിയറന്സ്, പാസ്പോര്ട്ട് വെരിഫിക്കേഷന് തുടങ്ങിയവയ്ക്കു ലഭിക്കുന്ന അപേക്ഷകളില് കാലതാമസം കൂടാതെ തീര്പ്പാക്കാന് നിര്ദേശം. സംസ്ഥാന പൊലീസ് മേധാവി അനില് കാന്ത് എല്ലാ ജില്ലാ പൊലീസ് മേധാവിമാര്ക്കും ഇതു സംബന്ധിച്ച നിര്ദേശം നല്കിയിട്ടുണ്ട്.
ക്രിമിനല് കേസുകളില്പെട്ടവര്, ദേശീയ സുരക്ഷയ്ക്ക് ഭീഷണിയുണ്ടാക്കുന്നവര് എന്നിവരുടെ അപേക്ഷകളില് സൂക്ഷ്മപരിശോധന നടത്തണമെന്നും, അപേക്ഷകള്ക്ക് അടിയന്തിര പ്രാധാന്യം നല്കണമെന്നും, അപേക്ഷകളിന്മേല് അന്വേഷണം നടത്തി കഴിയുന്നതും 48 മണിക്കൂറിനുളളില് സര്ട്ടിഫിക്കറ്റ് നല്കാനും നിര്ദേശമുണ്ട്.
മാത്രമല്ല, അപേക്ഷകളില് കാലതാമസം ഉണ്ടാകുന്നില്ലന്ന് ഉറപ്പാക്കാന് റേഞ്ച് ഡി.ഐ.ജിമാരെ ഡിജിപി ചുമതലപ്പെടുത്തി.