കൊല്ക്കത്ത: ദുബായില് നടക്കാനിരിക്കുന്ന ടി 20 ലോകകപ്പില് ഇന്ത്യയുടെ ആദ്യ എതിരാളി പാകിസ്ഥാനാണെന്ന് പ്രഖ്യാപിച്ചതിന് പിന്നാലെ ടീമുകളെ വിലയിരുത്തി ഗൗതം ഗംഭീര്. ഒക്ടോബര് 24ന് നടക്കാനിരിക്കുന്ന പോരാട്ടത്തില് ഇന്ത്യയ്ക്കെതിരെ കളത്തില് പാകിസ്ഥാന് വിയര്ക്കുമെന്ന് ഗംഭീര് അഭിപ്രായപ്പെട്ടു.
മത്സരം പാകിസ്ഥാനെ വലിയ സമ്മര്ദത്തിലാക്കുമെന്ന് എനിക്ക് ഉറപ്പാണ്. ലോകകപ്പില് പാക്കിസ്ഥാനെതിരെ ഇന്ത്യയ്ക്ക് 5-0 ത്തിന്റെ ആധിപത്യമുണ്ട്. ഇന്ത്യയ്ക്ക് സമ്മര്ദ്ദമുണ്ടോ എന്ന ചോദ്യത്തിനുപോലും പ്രസക്തിയില്ല. പ്രകടനത്തിന്റെ കാര്യത്തില് ഇന്ത്യ പാകിസ്ഥാനേക്കാളും ഒത്തിരി മുകളിലാണ്. എന്നാല്, ടി 20 ഫോര്മാറ്റില് ആര്ക്കും ആരെയും തോല്പ്പിക്കാം. അഫ്ഗാനിസ്ഥാന് ടീം പോലും എതിരാളികളെ സമ്മര്ദത്തിലാക്കിയേക്കാം. പാകിസ്ഥാന്റെ കാര്യത്തിലും ഇത് തന്നെയാണ്. എന്തൊക്കെയായാലും പാക്കിസ്ഥാന് സമ്മര്ദമുണ്ടാകുമെന്ന് ഗംഭീര് വ്യക്തമാക്കി.