തിരുവനന്തപുരം : സംസ്ഥാന സര്ക്കാരിന്റെ ഓണക്കിറ്റ് വിതരണം ഈ മാസം 31 ന് ആരംഭിക്കും. ആഗസ്റ്റ് 16 നകം കിറ്റുവിതരണം പൂര്ത്തിയാക്കാനാണ് തീരുമാനം.
31 മുതല് ഓഗസ്റ്റ് 2വരെ മഞ്ഞ കാര്ഡ് ഉടമകള്ക്ക് (എഎവൈ), ഓഗസ്റ്റ് നാല് മുതല് ഏഴ് വരെ പിങ്ക് കാര്ഡുകാര്ക്ക് (പിഎച്ച്എച്ച്), ഒന്പത് മുതല് 12 വരെ നീല കാര്ഡുകാര്ക്കും (എന്പിഎസ്) 13 -16 വരെ വെള്ള കാര്ഡുകാര്ക്കുമാണ് കിറ്റുവിതരണം.ഒരു റേഷന് കാര്ഡ് ഉടമയ്ക്ക് 570 രൂപയുടെ കിറ്റാകും ലഭിക്കുക.
പായസം തയ്യാറാക്കുന്നതിന് ആവശ്യമായ അണ്ടിപ്പരിപ്പ്, എലയ്ക്ക, സേമിയ/പാലട/ഉണക്കലരി എന്നിവയില് ഒന്ന്, നെയ്യ്, ഉള്പ്പെടെയുള്ള വിഭവങ്ങളടങ്ങിയതാണ് ഇത്തവണത്തെ ഓണക്കിറ്റ്.