ന്യൂഡല്ഹി: പെഗസസ് ഫോണ് ചോര്ത്തല് റിപ്പോര്ട്ടുകള് വാസ്തവ വിരുദ്ധമെന്ന് കേന്ദ്രമന്ത്രി ഐ ടി മന്ത്രി അശ്വിനി വൈഷ്ണവ്. ഇന്ത്യന് ജനാധിപത്യത്തെ അവഹേളിക്കാനുള്ള നീക്കമാണ് നടക്കുന്നതെന്നും റിപ്പോര്ട്ടുകള് കെട്ടിച്ചമച്ചതാണെന്നും അദ്ദേഹം പറഞ്ഞു. രാജ്യസഭയില് മന്ത്രിയുടെ വിശദീകരണം പ്രതിപക്ഷം തടസപ്പെടുത്തി.പെഗസസ്, കാര്ഷിക നിയമങ്ങള് എന്നിവ ഉയര്ത്തിയുള്ള പ്രതിപക്ഷ ബഹളത്തെ തുടര്ന്ന് പാര്ലമെന്റിന്റെ ഇരു സഭകളും ഇന്നും സംഘര്ഷഭരിതമായിരുന്നു. കൂടാതെ, രണ്ടാം തരംഗത്തില് ഓക്സിജന് കിട്ടാതെ ആരും മരിച്ചിട്ടില്ലെന്ന കേന്ദ്രസര്ക്കാര് നിലപാടിനെതിരെയും പ്രതിപക്ഷം പ്രതിഷേധം നടത്തി. നടുത്തളത്തിലിറങ്ങിയുള്ള പ്രതിഷേധം കാരണം ഇരു സഭകളും രണ്ടുതവണ നിര്ത്തിവച്ചു.
2021-07-22