ടോക്കിയോ: 2000ല് സിഡ്നി ഒളിമ്പിക്സിന് ശേഷം ആസ്ട്രേലിയന് നഗരം ഒളിമ്പിക്സ് വേദിയാകുന്നു. 2032ലെ ഒളിമ്പിക്സ് മത്സരങ്ങള്ക്കുള്ള വേദിയായാണ് ആസ്ട്രേലിയയിലെ ബ്രിസ്ബേനിനെ തിരഞ്ഞെടുത്തത്. 2024ല് പാരിസും 2028ല് ലോസ് ഏഞ്ചല്സും ഒളിമ്പിക്സ് മത്സരങ്ങള്ക്ക് ആതിഥേയത്വം വഹിച്ചതിനു ശേഷമായിരിക്കും ബ്രിസ്ബേനിന്റെ ഊഴം എത്തുക.
ഒളിമ്പിക്സ് പോലുള്ള വന് കായികമേളകള് നടത്താന് സാധിക്കുന്ന നഗരങ്ങളെ മുന്കൂട്ടി തിരഞ്ഞെടുത്ത് അവരുടെ പ്രതിനിധികളെ നേരില് ചെന്ന് കണ്ട് അവരോട് സംസാരിച്ചായിരിക്കും ഇനി മുതല് ഐ ഒ സി ഒളിമ്പിക്സ് വേദി തീരുമാനിക്കുക. വോട്ട്കച്ചവടം എന്ന ആരോപണവും പ്രചരണ പരിപാടികള്ക്ക് ഉണ്ടാകുന്ന വന് സാമ്പത്തിക ബാദ്ധ്യതയും ഒഴിവാക്കുകയെന്ന ലക്ഷ്യത്തോടെയാണിത്.