സുല്ത്താന്ബത്തേരി: കോവിഡ് വ്യാപനം കുറച്ചതിന്റെ പശ്ചാത്തലത്തില് നിയന്ത്രണങ്ങള് അയവ് വരുത്തി കര്ണാടക. കേരളത്തില് നിന്നും കര്ണാടകയിലേക്ക് പോകുന്നവരില് ഒരു ഡോസ് വാക്സിന് എടുത്തവര്ക്കും ഇനി മുതല് ആര്.ടി.പി.സി.ആര് നെഗറ്റീവ് സര്ട്ടിഫിക്കറ്റ് ആവശ്യമില്ല. വാക്സിന് സ്വീകരിച്ചതിന്റെ സര്ട്ടിഫിക്കറ്റ് കൈവശമുണ്ടെങ്കില് അതിര്ത്തി കടത്തിവിടും. അതേ സമയം വാക്സിന് എടുത്തതിന്റെ സര്ട്ടിഫിക്കറ്റ് ഇല്ലാത്തവര്ക്കും വാക്സിന് സ്വീകരിക്കാത്തവര്ക്കും അതിര്ത്തി കടക്കണമെങ്കില് 72 മണിക്കൂറിനുള്ളില് എടുത്ത ആര്.ടി.പി.സി.ആര് നെഗറ്റീവ് സര്ട്ടിഫിക്കറ്റ് നിര്ബന്ധമാണ്.
വിമാനം, ബസ്, ട്രെയിന്, ടാക്സി, സ്വകാര്യ വാഹനങ്ങള് എന്നിവയില് കേരളത്തില് നിന്നും കര്ണാടകയിലേക്ക് വരുന്നവര്ക്ക് പുതിയ ഉത്തരവ് ബാധകമായിരിക്കും.
മാത്രമല്ല, വിദ്യാര്ത്ഥികള്ക്ക് ഒരു ഡോസ് വാക്സിന് എങ്കിലും നല്കി കോളേജ് തുറക്കാനുള്ള നീക്കത്തിലാണ് കര്ണാടക സര്ക്കാര്. തമിഴ്നാടും കേരളത്തില് നിന്നുള്ള പ്രവേശനത്തിന് എല്ലാ നിയന്ത്രണങ്ങളും നീക്കിയിട്ടുണ്ട്. രാജ്യത്ത് ഏറ്റവും കൂടുതല് കേസുകള് റിപ്പോര്ട്ട് ചെയ്യുന്ന സംസ്ഥാനമാണ് കേരളം. കേരളത്തില് ഇന്നലെയും 12,100 പേര്ക്ക് കൊവിഡ് പോസറ്റീവ് റിപ്പോര്ട്ട് ചെയ്തു. 10.25 -ാണ് ഇന്നലെ കേരളത്തിലെ ടിപിആര് റേറ്റ്.