കാസര്കോട്: നാമനിര്ദ്ദേശ പത്രിക പിന്വലിക്കാന് കെ സുന്ദരയ്ക്ക് കോഴ നല്കിയെന്ന പരാതിയില് ബിജെപി സംസ്ഥാന അധ്യക്ഷന് കെ.സുരേന്ദ്രനും രണ്ട് പ്രാദേശിക നേതാക്കള്ക്കുമെതിരെ കേസെടുക്കാന് കോടതി അനുമതി നല്കി.ഇന്ത്യന് ശിക്ഷാ നിയമത്തിലെ 171 ബി (തിരഞ്ഞെടുപ്പ് അട്ടിമറിക്കാന് കൈക്കൂലി നല്കുക) വകുപ്പ് പ്രകാരം പൊലീസിന് കേസ് എടുക്കാമെന്ന് കാസര്ഗോഡ് ജുഡീഷ്യല് ഫസ്റ്റ് ക്ലാസ് രണ്ട് മജിസ്ട്രേറ്റ് കോടതിയുടെ അനുമതി നല്കിയത്.മഞ്ചേശ്വരം ഇടതു സ്ഥാനാര്ഥിയായിരുന്ന വി വി രമേശന്റെ പരാതിയിലാണ് കോടതി ഉത്തരവ്.
മഞ്ചേശ്വരത്ത് ബിജെപി സംസ്ഥാന അധ്യക്ഷന് കെ സുരേന്ദ്രന്റെ അപരനായി പത്രിക നല്കിയ കെ സുന്ദരയ്ക്ക് പിന്മാറാന് രണ്ടര ലക്ഷം കിട്ടിയെന്ന വെളിപ്പെടുത്തല് കഴിഞ്ഞ ദിവസമാണ് പുറത്തുവന്നത്. 15 ലക്ഷം രൂപയാണ് ചോദിച്ചതെന്നും രണ്ടര ലക്ഷം രൂപയും ഒരു സ്മാര്ട്ട് ഫോണും നല്കിയെന്നുമാണ് സുന്ദര വെളിപ്പെടുത്തിയത്.അതേസമയം, ബി.ജെ.പി കേരള ഘടകത്തെ പിടിച്ചുലച്ച കൊടകര കുഴല്പ്പണ വിവാദത്തിന്റെ പശ്ചാത്തലത്തില് ഫണ്ട് വിനിയോഗം അന്വേഷിക്കാന് കേന്ദ്ര നേതൃത്വം.