ന്യൂഡല്ഹി: ഡല്ഹിക്ക് ഓക്സിജന് സഹായം നല്കാന് കേരളം. ഡല്ഹി മുഖ്യമന്ത്രിയുടേയും ഡല്ഹി മലയാളികളുടേയും അഭ്യര്ത്ഥന അനുസരിച്ചാണ് ഓക്സിജന് നല്കാന് കേരളം ഒരുങ്ങുന്നത്. ഓക്സിജന് നല്കാന് സന്നദ്ധമാണെന്ന് കേരള ചീഫ് സെക്രട്ടറി വി.പി. ജോയ് ഡല്ഹി സര്ക്കാരിനെ അറിയിച്ചു. ഡല്ഹിയിലേക്ക് ഓക്സിജന് എത്തിക്കാനുള്ള കാര്യങ്ങളില് ഡല്ഹി ചീഫ് സെക്രട്ടറി വിജയ് ദേവുമായി തുടര്ചര്ച്ചകള് നടന്ന് വരികയാണെന്നും അദ്ദേഹം വ്യക്തമാക്കി.ഡല്ഹിയില് ഓക്സിജന് ലഭ്യമാക്കാന് സഹായിക്കണമെന്ന് ആവശ്യപ്പെട്ട് ജനസംസ്കൃതി എന്ന ഡല്ഹിയിലെ മലയാളി സംഘടന കഴിഞ്ഞദിവസം മുഖ്യമന്ത്രിക്ക് കത്തയച്ചിരുന്നു. ഡല്ഹി മലയാളികളുടെ ആരോഗ്യസുരക്ഷ ഉറപ്പാക്കണമെന്ന് പിണറായിക്കയച്ച കത്തില് ജനസംസ്കൃതി അഭ്യര്ത്ഥിച്ചു.
2021-04-26