തനിക്കെതിരെ പ്രചരിക്കുന്ന വ്യാജ വാർത്തകളിൽ പ്രതികരിച്ച് നടി മിയ ജോർജ്. താരത്തിനെതിരെ കറി പൗഡർ കമ്പനി ഉടമ പരാതി സമർപ്പിച്ചുവെന്ന വ്യാജ വാർത്തയ്‌ക്കെതിരെയാണ് താരം പ്രതികരിച്ചത്. ഇത്തരമൊരു നടപടിയെ കുറിച്ച് തനിക്ക് രേഖാമൂലം അറിയിപ്പ് ലഭിച്ചിട്ടില്ലെന്ന് നടി ഇൻസ്റ്റഗ്രാമിൽ കുറിച്ചു.
സാമൂഹിക മാധ്യമങ്ങളിലെ പോസ്റ്റുകൾ വഴിയാണ് ഇക്കാര്യം അറിയുന്നത്. ഒരു ബ്രാൻഡ് ഉടമ എന്തിനാണ് അതിനെ പ്രമോട്ട് ചെയ്യുന്ന ബ്രാൻഡ് അംബാസഡർക്കെതിരെ പരാതി നൽകുന്നതെന്ന് മനസ്സിലാകുന്നില്ലെന്നും മിയാ ജോർജ് വ്യക്തമാക്കി.
കറി പൗഡറിന്റെ പരസ്യത്തിൽ തെറ്റായ അവകാശ വാദങ്ങൾ ഉന്നയിച്ചതിന് കമ്പനി ഉടമ മിയയ്ക്കെതിരെ രണ്ട് കോടി രൂപ നഷ്ടപരിഹാരം ആവശ്യപ്പെട്ടു എന്നായിരുന്നു സാമൂഹ്യ മാദ്ധ്യമങ്ങളിലെ പ്രചാരണം.