സുൽത്താൻ ബത്തേരി: വയനാട്ടിൽ പ്രിയങ്കാ ഗാന്ധിയുടെ തെരഞ്ഞെടുപ്പ് പ്രചാരണം ശക്തമാക്കാൻ കോൺഗ്രസ്. പ്രിയങ്കാ ഗാന്ധിയുടെ പ്രചാരണത്തിനായി സോണിയാ ഗാന്ധി വയനാട്ടിലെത്തും. രാഹുൽ ഗാന്ധിയും പ്രാരണത്തിന് സജീവമായുണ്ടാകും. മറ്റന്നാളാണ് സോണിയാ ഗാന്ധിയും രാഹുലും പ്രിയങ്കയും വയനാട്ടിലെത്തുന്നത്.
കൽപ്പറ്റയിൽ നടക്കുന്ന റോഡ് ഷോയിൽ ഇവർ പങ്കെടുക്കും. നാമനിർദ്ദേശ പത്രിക സമർപ്പണത്തിനും പ്രിയങ്കയോടൊപ്പം ഇവർ ഉണ്ടാകും. വർഷങ്ങൾക്ക് ശേഷമാണ് സോണിയാ ഗാന്ധി കേരളത്തിൽ സന്ദർശനത്തിനെത്തുന്നത്.