തിരുവനന്തപുരം: നടൻ ജയസൂര്യക്കെതിരെ കേസെടുത്ത് പോലീസ്. ലൈംഗിക ആരോപണ പരാതിയിലാണ് താരത്തിനെതിരെ കേസെടുത്തത്. തിരുവനന്തപുരം കന്റോൺമെന്റ് പൊലീസാണ് ജാമ്യമില്ലാ വകുപ്പ് പ്രകാരം കേസ് രജിസ്റ്റർ ചെയ്തിരിക്കുന്നത്.
ഐപിസി 354, 354A, 509 എന്നീ വകുപ്പുകൾ ചുമത്തിയാണ് കേസ്. അതേസമയം, കഴിഞ്ഞ ദിവസം നടിയുടെ രഹസ്യ മൊഴി അന്വേഷണസംഘം രേഖപ്പെടുത്തിയിരുന്നു. ഇന്നലെ ആലുവയിലെ വീട്ടിലെത്തിലെത്തിയാണ് മൊഴി രേഖപ്പെടുത്തിയത്.
ഇതിന് പിന്നാലെയാണ് കേസ് രജിസ്റ്റർ ചെയ്തത്. ഷൂട്ടിംഗിനിടെ സെക്രട്ടേറിയറ്റിലെ ശുചിമുറിയിൽ വച്ച് ലൈംഗികമായി ആക്രമിച്ചെന്നാണ് കേസിലെ എഫ്‌ഐആർ.