തമിഴ് സിനിമാ ലോകത്തെ പ്രിയപ്പെട്ട താരമാണ് അജിത്ത്. 53 -ാം വയസിലേക്ക് കടന്നിരിക്കുകയാണ് താരം. അജിത്തിന് ഭാര്യ ശാലിനി നൽകിയ പിറന്നാൾ സമ്മാനമാണ് ഇപ്പോൾ വൈറലാകുന്നത്. അജിത്തിന് ഒരു ലക്ഷ്വറി ഡുക്കാറ്റിയാണ് ശാലിനി പിറന്നാൾ സമ്മാനമായി നൽകിയത്.
അജിത്തിന് ബൈക്ക് റൈഡ് ചെയ്യാൻ വളരെ ഇഷ്ടമാണ്. അതിനാലാണ് ശാലിനി അദ്ദേഹത്തിന് ഈ സമ്മാനം നൽകിയതെന്നാണ് ആരാധകർ പറയുന്നത്. ബൈക്ക് ലവഴ്സിന്റെ ഇഷ്ട ബൈക്കുകളിൽ ഒന്നാണ് ഡുക്കാറ്റി. ബെർത്ത് ഡേ ഡെക്കേറഷനുകൾക്കിടയിലിരിക്കുന്ന ബൈക്കിന്റെ ചിത്രം സോഷ്യൽ മീഡിയയിൽ ഇതിനോടകം വൈറലായി കഴിഞ്ഞു.
2003-ലെ ഫോർമുല ഏഷ്യ ബിഎംഡബ്ല്യു ചാമ്പ്യൻഷിപ്പ്, 2010-ലെ എഫ്ഐഎ ഫോർമുല ടു ചാമ്പ്യൻഷിപ്പ് തുടങ്ങിയ ഇനങ്ങളിൽ അജിത്ത് മത്സരിച്ചിട്ടുണ്ട്. ഓൾ ഇന്ത്യ-ഇന്റർനാഷണൽ ബൈക്ക് ട്രിപ്പും താരം നടത്തിയിട്ടുണ്ട്. 2000 ഏപ്രിൽ 24 നാണ് അജിത്തും ശാലിനിയും വിവാഹിതരായത്. താരദമ്പതികൾക്ക് ഒരു മകനും മകളും ഉൾപ്പെടെ രണ്ട് മക്കളാണുള്ളത്.