കുഞ്ഞുങ്ങളുടെ മൃതദേഹമാണ് ഉണ്ണിയേശു കിടക്കേണ്ടിടത്ത് കണ്ടതെന്നും മനുഷ്യത്വത്തിനെതിരായ യുദ്ധമാണ് നടക്കുന്നതെന്നും പലസ്തീൻ വിഷയം പരാമർശിച്ച് മുഖ്യമന്ത്രി പിണറായി വിജയൻ പറഞ്ഞു. സമാധാനം എന്നത് യേശു ജനിച്ച മണ്ണിൽ മുങ്ങി മരിക്കുകയാണ്. ദശലക്ഷക്കണക്കിന് ആളുകൾ പാലായനം ചെയ്യുന്നതും പിഞ്ചുകുഞ്ഞുങ്ങൾ കൊല്ലപ്പെടുന്നതും വേദനാജനകമാണ്. അതിക്രൂരമായ ആക്രമണമാണ് ഇസ്രായേൽ പലസ്തീനിൽ നടത്തുന്നത്. ഇത് ആദ്യമാകാം ആഘോഷമില്ലാത്ത ഒരു ക്രിസ്മസ്. ആ മണ്ണിൽ ഗുരു സന്ദേശത്തിന്റെ വെളിച്ചം എത്തിയിരുന്നെങ്കിൽ ചോരപ്പാടുകൾ കാണില്ലായിരുന്നു. വംശ വിദ്വേഷത്തിന്റെ കലാപ തീയാണ് പടർന്ന് വ്യാപിക്കുന്നതെന്നും മുഖ്യമന്ത്രി വ്യക്തമാക്കി.
2023-12-30