ഇടുക്കി ജില്ലയിലും ജില്ലയോട് ചേർന്നുള്ള തമിഴ്നാട്ടിലെ പ്രദേശങ്ങളിലും കനത്ത മഴ തുടരുന്ന സാഹചര്യൽ മുല്ലപ്പെരിയാർ ഡാം തുറക്കാൻ തീരുമാനം. ജലനിരപ്പ് അതിശക്ത മഴയിൽ കുതിച്ചുയർന്നതോടെയാണ് മുല്ലപ്പെരിയാർ തുറക്കാൻ തീരുമാനിച്ചത്. ഷട്ടർ നാളെ രാവിലെ 10 മണിക്ക് തുറക്കുമെന്നാണ് അറിയിപ്പ്. വെള്ളം സെക്കന്റിൽ 10000 ഘനയടി വരെ തുറന്നു വിടാൻ സാധ്യതയുണ്ട്.
പെരിയാർ തീരത്ത് ഈ സാഹചര്യത്തിൽ ജാഗ്രത നിർദേശം പുറപ്പെടുവിച്ചിട്ടുണ്ട്. മുല്ലപ്പെരിയാർ അണക്കെട്ടിലെ ജലനിരപ്പ് ഇന്ന് രാവിലെ തന്നെ 136.50 അടിയായി ഉയർന്നിരുന്നു. പരമാവധി സംഭരണ ശേഷി 142 അടിയാണ്. വലിയ തോതിലാണ് മഴ ശക്തമായി തുടരുന്ന സാഹചര്യത്തിൽ ജലനിരപ്പ് ഉയരുന്നത്.
ഏറ്റവും ഒടുവിൽ ലഭിച്ച വിവരപ്രകാരം വൈകിട്ട് 4 മണിയോടെ മുല്ലപ്പെരിയാർ ജലനിരപ്പ് 138 അടിയായിട്ടുണ്ട്. ഇതോടെ തമിഴ്നാട് ഡാം തുറക്കാനുള്ള രണ്ടാമത്തെ മുന്നറിയിപ്പും നൽകിയിട്ടുണ്ട്. ജനങ്ങൾ ജാഗ്രത പാലിക്കണമെന്ന് സർക്കാർ ആവശ്യപ്പെട്ടിട്ടുണ്ട്.