ജനസമ്പർക്ക പുതിയ പരിപാടി നടപ്പിലാക്കാനൊരുങ്ങി തമിഴ്നാട് സർക്കാർ. തമിഴ്നാട് മുഖ്യമന്ത്രി എം. കെ. സ്റ്റാലിൻ ‘മക്കളുടൻ മുതൽവർ ‘എന്ന പദ്ധതി പ്രഖ്യാപിച്ചിരിക്കുകയാണ്. പദ്ധതി തിങ്കളാഴ്ച കോയമ്പത്തൂരിൽ വെച്ച് ഉദ്ഘാടനം ചെയ്യും. പരാതി പരിഹാര യോഗങ്ങൾ തദ്ദേശ സ്ഥാപനങ്ങൾ കേന്ദ്രീകരിച്ച് സംഘടിപ്പിക്കാനാണ് തീരുമാനം. ഈ പദ്ധതിയിൽ 13 വകുപ്പുകളിലെ ഉദ്യോഗസ്ഥർ പങ്കെടുക്കും. യോഗങ്ങൾ ഡിസംബർ 18 മുതൽ ജനുവരി 6 വരെയാണ് നടത്തുക. മന്ത്രിമാരെയാണ് ജില്ലകളിലെ മേൽനോട്ട ചുമതല ഏൽപിച്ചിരിക്കുന്നത്. മുഖ്യമന്ത്രി ജില്ലകളിൽ പരിശോധന നടത്തുന്ന പദ്ധതി ഇപ്പോൾ നിലവിലുണ്ട്.
2023-12-16