ലോകകപ്പിന് മുന്നോടിയായി രോഹിത് ശർമ്മയ്ക് ഗൗതം ഗംഭീറിന്റെ മുന്നറിയിപ്പ്. ഏഷ്യ കപ്പിലെ ഇന്ത്യയുടെ ഗംഭീര വിജയം, ലോകകപ്പ് പ്രതീക്ഷകൾക്ക് മാറ്റു കൂട്ടുന്നതാണ്. രോഹിത് ശർമ്മയെന്ന കളിക്കാരനെ ഈ വിജയം ലോകശ്രദ്ധയിലെത്തിച്ചു. എട്ടാം തവണയാണ് ഇന്ത്യ ഏഷ്യ കപ്പ് കിരീടം നേടുന്നത്. രോഹിത്തിന്റെ ക്യാപ്റ്റൻസിയിൽ ഇത് രണ്ടാം തവണയാണ് കിരീടം സ്വന്തമാക്കുന്നത്. നിലവിൽ നല്ല ഫോമിൽ ആണ് ടീം എങ്കിലും ലോകകപ്പിൽ മികച്ച പ്രകടനം കാഴ്ചവച്ചില്ല എങ്കിൽ കാര്യങ്ങൾ മാറിമറിയുമെന്ന മുന്നറിയിപ്പുമായി ഗൗതം ഗംഭീർ.
”നിലവിൽ രോഹിത്തിന്റെ ക്യാപ്റ്റൻസിയിൽ ഒരു സംശയവുമില്ല, അദ്ദേഹം അഞ്ച് ഐ പി എൽ കിരീടങ്ങൾ നേടി, പലരും കിരീടങ്ങൾപോലും നേടിയിട്ടില്ല, അടുത്ത ദിവസങ്ങളിലാണ് അദ്ദേഹം ശെരിക്കുമുള്ള പരീക്ഷണങ്ങൾ നേരിടാൻ പോകുന്നത്. കളിക്കാർ മികച്ച പ്രകടനം കാഴ്ചവച്ചില്ല എങ്കിൽ ചോദ്യങ്ങൾ ഉയരും വിരാട് കോഹ്ലി അത് നേരിട്ടു, 2007 ൽ രാഹുൽ ദ്രാവിഡും. 2023 ൽ അതാവർത്തിച്ചാൽ രോഹിത്തിനും ആ ചോദ്യങ്ങളെ നേരിടേണ്ടി വരും, ലോകകപ്പ് ഫൈനലിൽ എത്താനുള്ള എല്ലാ യോഗ്യതയും ടീമിനുണ്ടെ”ന്നും അദ്ദേഹം പറഞ്ഞു.