യുഎസ് ഓപ്പൺ പുരുഷ സിംഗിൾസ് ഫൈനലിൽ നൊവാക്ക് ജോക്കോവിച്ചിനു കിരീടം. ഫൈനലിൽ റഷ്യയുടെ ഡാനിൽ മെദ്വെദെവിനെയാണ് സെർബിയന് താരമായ ജോക്കോവിച്ച് തോൽപിച്ചത്. 6–3,7–6,6–3 എന്ന നിലയിലായിരുന്നു സ്കോർ. ഇത് നാലാംതവണയാണ് ജോക്കോവിച്ച് യുഎസ് ഓപ്പൺ ചാംപ്യനാകുന്നത്. ഇതോടെ ഇരുപത്തി നാലാം ഗ്രാൻഡ്സ്ലാം കിരീടമാണ് അദ്ദേഹം സ്വന്തമാക്കിയത്. സിംഗിൾസിൽ ഏറ്റവും കൂടുതൽ ഗ്രാൻഡ്സ്ലാം നേടിയ പുരുഷതാരമാണ് ജോക്കോവിച്ച്.
2021ലെ ഫൈനലിൽ മെദ്വെദെവിയും ജോക്കോവിച്ചും ഏറ്റുമുട്ടിയപ്പോൾ മെദ്വദെവിനായിരുന്നു ജയം. യുഎസ് ഓപ്പണിൽ ജോക്കോവിച്ചിന്റെ പത്താം ഫൈനലായിരുന്നു.
യുഎസ് ഓപ്പൺ വിജയിക്കുന്ന പ്രായം കൂടിയ പുരുഷ താരമെന്നെ റെക്കോർഡും കിരീട നേട്ടത്തോടെ സെർബിയൻ താരത്തിന്റെ പേരിലായി.