ന്യൂഡൽഹി: ചൈനീസ് നാവികസേന കപ്പൽ വീണ്ടും ശ്രീലങ്കൻ തുറമുഖത്തെത്തി. ഇന്ത്യയ്ക്ക് ഇത് ആശങ്ക ഉയർത്തിയിരിക്കുകയാണ്. മൂന്നു ദിവസത്തെ സന്ദർശനത്തിനായാണ് ചൈനീസ് നിരീക്ഷണ കപ്പൽ കൊളംബോയിൽ എത്തിയത്. ഇന്ത്യയുടെ എതിർപ്പ് തള്ളിയാണ് കപ്പലിന് അനുമതി നൽകിയതെന്ന് ലങ്കൻ മാധ്യമങ്ങൾ റിപ്പോർട്ട് ചെയ്തിട്ടുണ്ട്.
കഴിഞ്ഞ ഓഗസ്റ്റ് മാസം ഉപഗ്രഹങ്ങളെ ഉൾപ്പെടെ നിരീക്ഷിക്കാനും സിഗ്നലുകൾ പിടിച്ചെടുക്കാനും ശേഷിയുള്ള ചൈനീസ് ചാരകപ്പൽ തുറമുഖത്ത് നങ്കൂരമിട്ടത് വലിയ വിവാദങ്ങൾക്കിടയാക്കിയിരുന്നു.
ചൈനീസ് ചാരക്കപ്പലായ യുവാൻ വാങ് 5 ആണ് അന്ന് ലങ്കൻ തീരത്തെത്തിയത്. ഹംമ്പൻതോട്ട തുറമുഖത്തിലായിരുന്നു അന്ന് കപ്പൽ നങ്കൂരമിട്ടത്. ഇന്ത്യയുടെ എതിർപ്പ് മറികടന്നാണ് അന്ന് ചാരകപ്പൽ ശ്രീലങ്കൻ തുറമുഖത്തേക്ക് അടുത്തത്.