മലപ്പുറം: എസ്.എഫ്.ഐ സംസ്ഥാന സെക്രട്ടറിക്കെതിരായ മാര്ക്ക് ലിസ്റ്റ് വിവാദത്തില് ഉന്നത വിദ്യാഭ്യാസ മന്ത്രി അന്വേഷണത്തെ സ്വാധീനിക്കുന്നുവെന്നും, എസ്.എഫ്.ഐ വനിതാ നേതാവിന് വ്യാജ സര്ട്ടിഫിക്കറ്റ് ഉണ്ടാക്കിക്കൊടുത്തത് എസ്.എഫ്.ഐ സംസ്ഥാന സെക്രട്ടറിയാണെന്നും പ്രതിപക്ഷ നേതാവ് വി.ഡി സതീശന് മാധ്യമങ്ങളോട് പ്രതികരിച്ചു.
പ്രതിപക്ഷ നേതാവിന്റെ വാക്കുകള്
‘അന്വേഷണം നടക്കുന്നതിനിടെയാണ് എസ്.എഫ്.ഐ സംസ്ഥാന സെക്രട്ടറി നിരപരാധിയാണ്. എന്തിന്റെ അടിസ്ഥാനത്തിലാണ് മന്ത്രി ഇയാളെ കുറ്റവിമുക്തനാക്കുന്നത്? മന്ത്രി അന്വേഷണത്തെ സ്വാധീനിക്കുകയാണ്. എന്.ഐ.സി റിപ്പോര്ട്ട് വന്നു കഴിഞ്ഞാല് അധ്യാപകര് പരിശോധിച്ച ശേഷമേ മഹാരാജാസിന്റെ വെബ് സൈറ്റില് ഫലം പ്രസിദ്ധീകരിക്കാറുള്ളൂ. പ്രിന്സിപ്പലിനെ എസ്.എഫ്.ഐ ഭീഷണിപ്പെടുത്തിയാണ് രാവിലെ പറഞ്ഞത് ഉച്ചയ്ക്ക് മാറ്റിപ്പറയിപ്പിച്ചത്. രണ്ട് ശതമാനം ഹാജരില്ലാത്ത എസ്.എഫ്.ഐ നേതാക്കളെ പോലും പരീക്ഷ എഴുതാന് അനുവദിച്ചിട്ടുണ്ട്. എസ്.എഫ്.ഐ വനിതാ നേതാവിന് വ്യാജ എക്സ്പീരിയന്സ് സര്ട്ടിഫിക്കറ്റ് ഉണ്ടാക്കിക്കൊടുത്തതും എസ്.എഫ്.ഐ സംസ്ഥാന സെക്രട്ടറിയാണ്. പി.എച്ച്.ഡി പ്രവേശനത്തില് സംവരണം അട്ടിമറിച്ചെന്ന എസ്.സി എസ്.ടി സെല്ലിന്റെ റിപ്പോട്ട് അട്ടിമറിച്ചത് കാലടി സര്വകലാശാലയിലെ വൈസ് ചാന്സലറാണ്. എസ്.എഫ്.ഐക്കാര്ക്ക് വേണ്ടി ഉന്നതവിദ്യാഭ്യാസ മേഖലയുടെ വിശ്വാസ്യത ഇല്ലാതാക്കിയിരിക്കുകയാണ്. ഉള്പ്പെടെയുള്ള നേതാക്കള്ക്കെതിരെ സി.ബി.ഐ അന്വേഷണത്തിന് മുഖ്യമന്ത്രി ഉത്തരവിട്ടത്. അതുകൊണ്ടാണ് കാലം നിങ്ങളുടെ മുന്നില് വന്ന് കണക്ക് ചോദിക്കുമെന്ന് നിയമസഭയില് പറഞ്ഞത്. ഇപ്പോള് ഒരു സ്ത്രീ വന്ന് മുഖ്യമന്ത്രിക്കും അദ്ദേഹത്തിന്റെ കുടുംബത്തിനും എതിരെ ആരോപണങ്ങള് പറഞ്ഞുകൊണ്ടിരിക്കുകയാണ്.’