സംസ്ഥാനത്ത് പന്ത്രണ്ട് വയസിന് താഴെ പ്രായമുള്ള കുട്ടികള്ക്കും ഇരുചക്രവാഹനത്തില് യാത്ര ചെയ്യാന് അനുവദിക്കണമെന്ന ആവശ്യം ചൂണ്ടിക്കാട്ടി കേന്ദ്രത്തിന് കത്തയച്ച് സംസ്ഥാന സര്ക്കാര്. വിഷയത്തില് കേന്ദ്രത്തിന്റെ തീരുമാനത്തിന് ശേഷം പിഴ ഈടാക്കും.
എഐ ക്യാമറ സര്ക്കാര് അവതരിപ്പിച്ചതിന് ശേഷം ഇരുചക്രവാഹനങ്ങളില് അച്ഛനും അമ്മയും സഞ്ചരിക്കുന്നതിനൊപ്പം ഒരു കുട്ടിയും കൂടി സഞ്ചരിച്ചാല് പിഴ ഈടാക്കും എന്നുള്ളതായിരുന്നു വ്യവസ്ഥ. എന്നാല് അതിനെതിരെ വലിയ തരത്തിലുള്ള പ്രതിഷേധം ഉയര്ന്നതിന് പിന്നാലെയാണ് ഗതാഗത വകുപ്പ് വിദഗ്ധ സമിതി യോഗം ചേര്ന്നത്. ഇതിന്റെ അടിസ്ഥാനത്തിലാണ് പന്ത്രണ്ട് വയസ്സിന് താഴെയുള്ള കുട്ടികള്ക്ക് ഇളവ് തേടി കേന്ദ്രത്തിന് കത്തയച്ചത്. പന്ത്രണ്ട് വയസ്സിന് താഴെ പ്രായമുള്ള ഒരു കുട്ടിക്ക് യാത്ര ചെയ്യാന് അനുമതി നല്കണം എന്നുള്ളതാണ് കത്തിലെ ആവശ്യം.
അതേസമയം, ഇതുമായി ബന്ധപ്പെട്ട നിയമത്തിലടക്കമുള്ള കാര്യങ്ങളില് ഭേദഗതി വരുത്തണമെന്നും സംസ്ഥാനം ആവശ്യപ്പെടുന്നത്.