തിരുവനന്തപുരം: സംസ്ഥാനത്തെ എസ് എസ് എല് സി പരീക്ഷാഫലം നാളെ വൈകിട്ട് മൂന്ന് മണിക്ക് പ്രഖ്യാപിക്കുമെന്ന് വിദ്യാഭ്യാസ മന്ത്രി വി. ശിവന്കുട്ടി അറിയിച്ചു. 4,19,362 വിദ്യാര്ത്ഥികളാണ് ഇത്തവണ എസ് എസ് എല് സി പരീക്ഷ എഴുതിയത്. ഹയര് സെക്കന്ഡറി പരീക്ഷാഫലം 25ന് പ്രഖ്യാപിക്കും.
അതേസമയം, എസ് എസ് എല് സി ഫലം മേയ് 20ന് വരുമെന്നാണ് അറിയിച്ചിരുന്നത്. എന്നാല്, എസ് എസ് എല് സി പരീക്ഷാഫലം നാളെ പ്രഖ്യാപിക്കുമെന്നും പറഞ്ഞതിനും ഒരു ദിവസം മുന്നേയാണെന്നും മന്ത്രി ഫേസ്ബുക്കില് കുറിച്ചു.
എന്നാല്, കൊവിഡ് മഹാമാരിയെ തുടര്ന്ന് കഴിഞ്ഞ രണ്ട് അധ്യയന വര്ഷങ്ങളിലും ഗ്രേസ് മാര്ക്ക് നല്കിയിരുന്നില്ല. സംസ്ഥാന – ദേശീയ- അന്തര്ദേശീയ തല മത്സരങ്ങളിലെ മികവ്, സ്കൗട്ട്സ് ആന്ഡ് ഗൈഡ്സ്, സ്റ്റുഡന്റ് പൊലീസ് കേഡറ്റ്, നാഷണല് കേഡറ്റ് കോര്പ്സ്, ജൂനിയര് റെഡ്ക്രോസ്, നാഷണല് സര്വീസ് സ്കീം എന്നിവയാണ് ഗ്രേസ് മാര്ക്കിനായി പരിഗണിക്കുക.