കൊച്ചി: കേരളത്തിലെ ജിഷാ വധക്കേസ്, ആറ്റിങ്ങല് ഇരട്ടക്കൊലക്കേസ് എന്നിവയിലെ വധശിക്ഷയാണ് ഹൈക്കോടതി പുനഃപരിശോധിക്കുന്നു. കുറ്റവാളികളുടെ സാമൂഹിക-സാമ്പത്തിക സാഹചര്യം, മാനസിക നില, നേരിട്ടിട്ടുള്ള പീഡനം എന്നിവ കോടതി പരിശോധിക്കും.
ഇരുകേസുകളിലെയും കുറ്റവാളികളുടെ സ്വഭാവത്തെക്കുറിച്ച് ജയില് വകുപ്പ് സമര്പ്പിക്കുന്ന റിപ്പോര്ട്ടിന്റെ അടിസ്ഥാനത്തിലാകും വധശിക്ഷയില് കോടതി തീരുമാനമെടുക്കുക. കേരളത്തില് ആദ്യമായാണ് മിറ്റിഗേഷന് ഇന്വെസ്റ്റിഗേഷന് ഹൈക്കോടതി ഉത്തരവിടുന്നത്. പ്രതികളുടെ മറ്റു പശ്ചാത്തലങ്ങള് കൂടി പരിഗണിക്കണമെന്ന സുപ്രീംകോടതി മാര്ഗനിര്ദേശത്തിന്റെ അടിസ്ഥാനത്തിലാണ് ഉത്തരവ്.
അതേസമയം, പ്രതികളുടെ കുറ്റകൃത്യത്തിന് മുന്പും ശേഷവുമുള്ള സാമൂഹിക-സാമ്പത്തിക പശ്ചാത്തലം, നേരത്തേ ഇവര് ഏതെങ്കിലും തരത്തിലുള്ള പീഡനങ്ങള് നേരിട്ടിട്ടുണ്ടോ, മാനസികാവസ്ഥ എന്നിവ കൂടി പരിഗണിക്കണിച്ച് മിറ്റിഗേഷന് അന്വേഷണം നടത്തണമെന്നായിരുന്നു സുപ്രീംകോടതിയുടെ ഉത്തരവ്.