തിയേറ്ററുകളില് നിശ്ചിത നിലവാരമില്ലാത്ത സിനിമകള് പ്രദര്ശിപ്പിക്കേണ്ടെന്ന് ഫിയോക്. അല്ലാത്തപക്ഷം ഇത്തരം സിനിമകള് പ്രദര്ശിപ്പിക്കണമെങ്കില് വാടക തരണം എന്നുമാണ് ഇപ്പോള് തീരുമാനിച്ചിരിക്കുന്നത്.
ഇങ്ങനെയൊരു തീരുമാനം തിയേറ്ററുകള് വലിയ നഷ്ടത്തിലാണ് എന്നതിനാലാണെന്നും ഫിയോക് പ്രസിഡന്റ് എം വിജയകുമാര് പറഞ്ഞു. ഒരു ദിവസം ഒരുപടി സിനിമകള് റിലീസ് ചെയ്യുന്നതിനാല് ഒന്നിലും വിജയിക്കാന് കഴിയുന്നില്ല കൂടാതെ ഒരു തിയേറ്ററില് എത്തുന്ന സിനിമകളില് ഏതൊക്കെ ജയിക്കും ഏതൊക്കെ തോല്ക്കും എന്നത് ഇത്രയും നാളത്തെ അനുഭവം വച്ച് തിയേറ്റര് നടത്തുന്നവര്ക്ക് അറിയാം. ഇനി തിയേറ്ററില് ഞങ്ങളുടെ കണക്കുകൂട്ടലില് ഓടും എന്ന് തോന്നുന്ന സിനിമ മാത്രം പ്രദര്ശിപ്പിച്ചാല് മതിയെന്നാണ് ആലോചിക്കുന്നതെന്നും ഫിയോക് പ്രസിഡന്റ് എം വിജയകുമാര് പറഞ്ഞു. ഇപ്പോള് പടം ഓടിക്കുന്നത് അത്രത്തോളം നഷ്ടം സഹിച്ചാണെന്നും അദ്ദേഹം പറഞ്ഞു.