മണിരത്നം സംവിധാനം ചെയ്ത ബ്രഹ്മാണ്ഡ ചിത്രം പൊന്നിയിന് സെല്വന്-2 എന്ന ചിത്രത്തിലെ ഗാനത്തിനെതിരെ കോപ്പിയടി ആരോപണം. ‘വീര രാജ വീര’ എന്ന ഗാനത്തിന് എതിരെയാണ് ആരോപണം. ധ്രുപദ് ഗായകന് ഉസ്താദ് വാസിഫുദ്ദീന് ദാഗറാണ് ആരോപണവുമായി രംഗത്തെത്തിയത്.
വാസിഫുദ്ദീനിന്റെ അച്ഛനും അമ്മാവനും (ദാഗര് ബ്രദേഴ്സ്) ചേര്ന്ന് പാടിയ ശിവസ്തുതി അതേ താണ്ഡവ ശൈലിയില് ഉപയോഗിച്ചാണ് ചിത്രത്തിലെ ഗാനം ഒരുക്കിയിരിക്കുന്നതെന്നാണ് ആരോപണം. ഓരോ ഭാഗത്തിന്റെയും ക്രമീകരണത്തില് മാത്രമാണ് വ്യത്യാസമുള്ളതെന്നും അദ്ദേഹം പറഞ്ഞു. അഠാണ രാഗത്തിലുള്ള കോംമ്ബോസിഷന് ചെയ്തത് തന്റെ അമ്മാവനായ ഉസ്താദ് സഹീറുദ്ദീന് ദാഗറാണെന്നും ഇത് തന്റെ പിതാവായ ഫയാസുദ്ദീന് ദാഗറുമൊത്ത് വര്ഷങ്ങളോളം പാടിയതാണെന്നും വാസിഫുദ്ദീന് പറഞ്ഞു.
ഇതിനെക്കുറിച്ച് പറഞ്ഞുകൊണ്ട് പി എസ് ടുവിന്റെ നിര്മ്മാണ കമ്ബനികളിലൊന്നായ മദ്രാസ് ടാക്കീസിന് വാസിഫുദ്ദീന് വക്കീല് നോട്ടീസ് അയച്ചിരുന്നു. അതേസമയം, വാസിഫുദ്ദീന്റെ ആരോപണം മദ്രാസ് ടാക്കീസ് നിഷേധിച്ചു. ആരോപണം തെറ്റാണെന്നും പബ്ലിസിറ്റിയ്ക്ക് വേണ്ടിയാണ് ഇത്തരം ആരോപണങ്ങള് ഉന്നയിക്കുന്നതെന്നും അവര് പറഞ്ഞു. 13ാം നൂറ്റാണ്ടില് നാരായണ പണ്ഡിതാചാര്യന് ചെയ്ത കോംമ്ബോസിഷനാണ് ഇതൊന്നും അവര് വ്യക്തമാക്കി. ആലാപന ശൈലിയില് ആര്ക്കും കുത്തക അവകാശപ്പെടാന് സാധിക്കില്ലെന്നും മദ്രാസ് ടാക്കീസ് പറഞ്ഞു.