കൊച്ചി: രാഷ്ട്രീയ പാര്ട്ടികളുടെ ആഭ്യന്തര കാര്യങ്ങളില് അന്വേഷണം നടത്താന് ലോകായുക്തക്ക് അധികാരമില്ലെന്ന് ഹൈക്കോടതി. തെരഞ്ഞെടുപ്പിലേക്കുള്ള സ്ഥാനാര്ത്ഥികളെ തീരുമാനിക്കുന്നത് രാഷ്ട്രീയപാര്ട്ടികളുടെ ആഭ്യന്തര വിഷയമാണ്. ഇതില് അന്വേഷണം നടത്താന് ലോകായുക്തയ്ക്ക് അധികാരമില്ലെന്ന് കോടതി വ്യക്തമാക്കി.
2014ല് തിരുവനന്തപുരത്ത് ഡോ.ബെനറ്റ് എബ്രഹാമിന്റെ സ്ഥാനാര്ത്ഥിത്വവുമായി ബന്ധപ്പെട്ട് സിപിഐ മുന് സംസ്ഥാന സെക്രട്ടറി പന്ന്യന് രവീന്ദ്രന് സമര്പ്പിച്ച ഹര്ജിയിലാണ് ചീഫ് ജസ്റ്റിസ് അധ്യക്ഷനായ ബെഞ്ചിന്റെ ഉത്തരവ്. വിഷയത്തില് അന്വേഷണത്തിന് ലോകായുക്ത നേരത്തെ ഉത്തരവിട്ടിരുന്നു.