ന്യൂഡല്ഹി: മോദി സമുദായത്തിനെതിരെ അപകീര്ത്തികരമായ പരാമര്ശം നടത്തിയെന്ന കേസില് കോണ്ഗ്രസ് നേതാവ് രാഹുല് ഗാന്ധി കുറ്റക്കാരനാണെന്ന് സൂറത്തിലെ ചീഫ് ജുഡീഷ്യല് മജിസ്ട്രേറ്റ് കോടതി.
കര്ണാടകത്തിലെ കോളാറില് 2019ല് ലോക്സഭാ തിരഞ്ഞെടുപ്പ് പ്രചാരണത്തിന്റെ ഭാഗമായി നടത്തിയ തിരഞ്ഞെടുപ്പ് പ്രചരണ യോഗത്തില് സംസാരിക്കുന്നതിനിടെയായിരുന്നു രാഹുല് മോദി സമുദായത്തെതിരേയുള്ള പരാമര്ശം നടത്തിയത്. എല്ലാ കള്ളന്മാരുടെയും പേരില് മോദി ഉണ്ടെന്ന രാഹുലിന്റെ പരാമര്ശം മോദി സമുദായത്തില്പ്പെട്ടവര്ക്ക് അപകീര്ത്തികരമാണെന്ന് ചൂണ്ടിക്കാട്ടി ബിജെപി നേതാവും സൂറത്തില് നിന്നുള്ള എംഎല്എയുമായ പൂര്ണേഷ് മോദിയാണ് പരാതി സമര്പ്പിച്ചത്.
അതേസമയം, കോടതി ആവശ്യപ്പെട്ട പ്രകാരം വിധി കേള്ക്കാന് രാഹുലും ഇന്ന് കോടതിയില് ഹാജരായിരുന്നു.